عراق.. ريه‌يليگ له واست وازكريان و كۆرۆنا له‌ناونى گله‌وخواردگه‌يل له روسيا تۆمار كريا
شه‌فه‌ق نيوز/ سه‌رچه‌وه‌يگ پزيشكى، ئاشكراى تۆماركردن 11 حاڵه‌ت وه ڤايرۆس كۆرۆنا كرد له پاريزگاى بابل، ئاماژه وه‌يه‌يش كرد خوه‌ينيشانده‌ره‌يل ريه‌يل واز كردنه‌و هيزه‌يل ئه‌منى ناچار كردنه خوه‌يان له واست بكيشنه‌و.
سه‌رچه‌وه پزيشكيه‌گه ئه‌را ئاژانس شه‌فه‌ق نيوز وت: ئمڕوو ده‌زگاى ته‌ندروستى پاريزگاى بابل 11 حاڵه‌ت تويشبوين تازه وه ڤايرۆس كۆرۆنا تۆمار كردگه له پاريزگاگه‌و باس له‌وه‌يش كرد ئه‌و حاڵه‌ته‌يله ئه‌را كه‌سه‌يليگ تۆمار كريانه له روسياوه گله‌وخواردنه.
جى باسه، دويه‌كه له بابل كه‌سيگ ده‌سگير كريا ك هه‌وڵ واين دا له نه‌خوه‌شخانه له پاريزگاگه دوياى ئه‌وه‌گ جه‌خت له تويشهاتنى وه ڤايرۆس كۆرۆنا كرياو دوباره برياوه ئه‌را كه‌ره‌نتينه، ئه‌ويش دوياى ئه‌وه‌گ په‌نج حاڵه‌ت وه‌ركه‌فته‌ى حاڵه‌ته‌يل وه‌رين تۆمار كريا.
له واستيش سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: خوه‌ينيشانده‌ره‌يل تويڕه هيزه‌يل ئه‌منى ناچار كردنه خوه‌يان له جاده‌يل سه‌ره‌كى بكيشنه‌وه‌و وه‌و خاتريشه ريه‌يل له‌وه‌رده‌م جموجويل سه‌ياره واز كردنه .
