سه‌رچه‌وه‌يگ ئاشكراى ئه‌نجامه‌يل په‌يجورى ته‌قينه‌وه‌يل ته‌حرير و حه‌بوبى كرد
شه‌فه‌ق نيوز/ سه‌رچه‌وه‌يگ ئه‌منى, ئاشكراى ئه‌نجامه‌يل په‌يجووريكردن له‌و ته‌قينه‌وه‌يله كرد ك كه‌فته‌وه له مه‌يدان ته‌حرير له به‌غدا و مه‌يدان حه‌بوبى له ناسريه.
له‌ى باوه‌ته‌و، ئه‌لعه‌ره‌بى ئه‌لجديد له زووان وه‌رپرسيگ باڵا له وه‌زاره‌ت ناوخوه‌يى عراقى وت: په‌يجووريه‌يل ئيسه‌ى پۆليس و ده‌زگاى هه‌واڵگيرى له‌باره‌ى ئه‌و په‌لاماره‌يله ك ئه‌نجام دريا له هه‌ردوگ مه‌يدان ته‌حرير و حه‌بوبى، نه‌ڕه‌سيه ئه‌و راده ك جوور ده‌ليليگ بدێ له‌بان كار ترۆريستى، وه‌تايبه‌ت ته‌قينه‌وه‌گه‌ى ناسريه.
باس له‌وه‌يش كرد، هه‌ردوگ ته‌قينه‌وه‌گه له يه‌ك وه‌خت و وه‌يه‌ك شيواز و له يه‌ك شوون، ئاماژه وه كرده‌وه‌يگ نمچه تاوانه ئه‌كه‌ن و باسيش له‌وه كرد ك خوه‌ينيشانده‌ره‌يل له نزيك هه‌ردوگ شوون ته‌قينه‌وه‌گه تومه‌تبار حزبه‌يل و ميليشايه‌يل ئه‌كه‌ن وه ئه‌وه‌گ هه‌وڵيگه ئه‌را رخه‌وبردنيان له‌ڕێ ته‌قينه‌وه‌يل وه‌خاتر وساننه‌وه‌ى خوه‌ينيشانداينه‌يل.
