روێته‌رز: هيزه‌يل ئاسايش عراقى دوياى سزيان كونسڵخانه‌ى ئيران له‌نه‌جه‌ف45 كه‌س كوشتنه
2019-11-29T09:24:23+00:00
شه‌فه‌ق نيوز/ له راپۆرتيگ ئاژانس روێته‌رز، ئه‌وه ده‌ركه‌فتگه ك هيزه‌يل ئاسايش عراقى 45 خوه‌ينيشانده‌ر وه‌لاى كه‌مه‌و كوشتنه دوياى ئه‌وه‌گ كونسڵخانه‌ى ئيرانى ئاگر دريا له نه‌جه‌ف.
باس له‌وه‌يش كريا ك ئاشكرا نيه كوسڵخانه‌ى ئيرانى له نه‌جه‌ف كه‌ى واز ئه‌كريه‌ێد، يه‌يش له‌وه‌ختيگ خوه‌ينيشانده‌ره‌يل تومه‌تبار ده‌سڵاته‌يل عراقى كردن وه ئه‌وه‌گ كار دژ ملله‌ته‌گه‌ى ئه‌كا وه‌خاتر وه‌رگريكردن له ئيران.
جى باسه، روێته‌ر له راپۆرته‌گه‌ێ له زووان خوه‌ينيشانده‌ره‌يگ ك نه‌تواسگه ناوى ئاشكرا بكا يه‌يش ده‌رخستگه ك گشت پۆليس دژه بشيوى له نه‌جه‌ف و هيزه‌يل ئاسايش ده‌سكردنه‌سه ته‌قه‌كردن له خوه‌ينيشانده‌ره‌يل جوور ئه‌وه‌گ خوه‌ينيشانده‌ره‌يل عراق سزانوێن.
