رافده‌ين له‌وه‌ر وه‌پيداين "سلفه" وه كارمه‌نده‌يل رێ وشوون تازه گرته‌وه‌ر
شه‌فه‌ق نيوز/ بانك رافده‌ين، ئاشكراى ئه‌وه كرد وه‌پيداين سلفه وه كارمه‌نده‌يل ده‌وڵه‌ت له‌ڕێ كلكردن زانياريه‌يل تايبه‌ت وه كارمه‌نده‌گه ئه‌را ئداره‌ى گشتى بانكه‌گه‌وه ئه‌دێ.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را ئاژانس شه‌فه‌ق نيوز وت: رينمايه‌يليگ ئداره‌ى بانكه‌گه ئه‌را ئه‌و كارمه‌نده‌يله ده‌ركردگه ك هه‌وڵ ئه‌يه‌ن سلفه وه‌ربگرن و داوايش له شماريارى ده‌زگايه‌يل كرد زانياريه‌يل تايبه‌ت وه كارمه‌نده‌يلى ئه‌را بانكه ره‌وانه بكه‌ن له‌وه‌ر ئه‌وه‌گ رێ وشوون دروس له‌وه‌ر بگيريه‌ێد و كارمه‌نده‌گه بكه‌فێده وه‌ر وه‌رگرتن سلفه وه بى هويچ گرفتيگ.
به‌ياننامه‌گه باس له‌وه‌يش كرد شماره‌يگ له كارمه‌نده‌يل پيشكه‌ش ئه‌را وه‌رگرتن سلفه كردنه له‌ڕێ ده‌روازه‌يل تر و داواكاريه‌يليان جواو نه‌درياگه‌و ته‌نيا رييگ ئه‌را وه‌رگرتن سلفه گله‌وخواردنه ئه‌را شماريارى ده‌زگاى كارمه‌نده‌يل له‌وه‌ر كلكردن زانياريه‌يل ئه‌را بانكه‌گه.
