رافده‌ين رينمايى قه‌رز 100 مليۆن وه‌خاوه‌ن زانكۆ و خوه‌ندنگاو باخچه‌ى مناڵه‌يل بڵاوكرد

رافده‌ين رينمايى قه‌رز 100 مليۆن وه‌خاوه‌ن زانكۆ و خوه‌ندنگاو باخچه‌ى مناڵه‌يل بڵاوكرد
2019-05-27T11:12:16+00:00

شه‌فه‌ق نيوز/ بانك رافده‌ين ئاشكراى داين قه‌رز كرد وه‌ خاوه‌ن زانكۆيه‌يل و خوه‌ندنگايه‌يل و باخچه‌ى ئه‌هلى مناڵه‌يل وه‌گشت قوناغه‌يل له‌وه‌ر فراوانكردن كاره‌يليان.

 

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: له‌وه‌ر پيشكه‌شكردن ده‌سميه‌ت ئه‌را زانكۆيه‌يل و خوه‌ندنگايه‌يل و باخچه‌ى ئه‌هلى مناڵه‌يل ئه‌را ئاماده‌كردن كه‌شيگ گونجياێ په‌روه‌رده‌يى، بڕيار درياگه‌ قه‌رز وه‌كاربه‌ر وه‌پيان بدريه‌ێد ئه‌را فراوانكردن كاره‌يليان له‌ گشت قۆناغه‌يل وه‌گووره‌ى ئى ميكانيزمه‌يل خواره‌:

 

1-                                     بڕ قه‌رز 

باخچه‌ى مناڵه‌يل                     ( 25) مليۆن دينار

خوه‌ندنگايه‌يل سه‌ره‌تايى           ( 50) مليۆن دينار

خوه‌ندنگايه‌يل ناوه‌ندى وئاماده‌يى   ( 75) مليۆن دينار

زانكۆيه‌يل ئه‌هلى                    ( 100) مليۆن دينار

2- ماوه‌ى قه‌رزه‌گه‌(5)ساڵه‌و يه‌ك ساڵيگ رێ وه‌پيداين

3- بايه‌سه‌ به‌ڵگه‌يگ تاپوو له‌لايه‌ن داواكه‌ر قه‌رزه‌گه‌ پيشكه‌ش بكريه‌ێد جوور گره‌و.

وه‌ل ئه‌وه‌يشا بايه‌سه‌ ئى به‌ڵگه‌يله‌ ئه‌را قه‌رز وه‌كاربه‌ر پيشكه‌ش بكريه‌ێد:

1- به‌ڵگه‌يل جوور(ره‌گه‌زنامه‌، كارت نيشته‌جيبوين) يا كارت نيشتمانى ئه‌را ئه‌وانه‌گ ديرنه‌ى.

2- داواكه‌ر قه‌رزه‌گه‌ بايه‌سه‌ موڵه‌ت تايبه‌ت وه‌ وازكردن پرووژه‌ و ره‌زامه‌نى ئسوڵى له‌لايه‌ن لايه‌نه‌يل په‌يوه‌نديداره‌و پيشكه‌ش بكا جوور(وه‌زاره‌ت په‌روه‌رده‌ يا وه‌زاره‌ت خوه‌نين باڵاو توێژينه‌وه‌ى زانستى). وه‌ل رينمايه‌يل تر ك بانكه‌گه‌ ده‌سنيشانى ئه‌كا.

Shafaq Live
Shafaq Live