دوياى ناكووكى سياسى و خيزانى.. هاوپه‌يمانى عه‌لاوى چه‌وى كه‌فته كازمى
شه‌فه‌ق نيوز/ مسته‌فا كازمى سه‌رۆك ئه‌نجومه‌ن وه‌زيره‌يل، پيشوازى له شانديگ نوێنه‌رايه‌تيكردن هاوپه‌يمانى نيشتمانى كرد ك له‌لايه‌ن ئه‌ياد عه‌لاوى سه‌رۆكايه‌تى ئه‌كريه‌ێد، ئه‌ويش دوياى لێدوانه‌يليگ ره‌ساننكارانه ك له‌تى ئاماژه وه ده‌سپوه‌يكردن ناكووكى سياسى و خيزانى كرديان له‌ناونى هه‌ردوگلا.
نويسينگه‌ى كازمى له به‌ياننامه‌يگ ئه‌را ئاژانس شه‌فه‌ق نيوز وت: له‌و ديداره باس له دويايين روێداگه‌يل ئيسه‌ى بارودوخ سياسى و ريڕه‌و گفتگوو ناونى لايه‌نه‌يل سياسى عراقى كرياگه له‌وه‌ر خاتر روێ وه‌ڕوێ بوينه‌وه‌ى ئه‌و سه‌ختيه‌يله ك ئمڕوو هاتنه‌سه تويش عراق.
وه‌گووره‌ى به‌ياننامه‌گه، سه‌رۆك ئه‌نجومه‌ن نوێنه‌ره‌يل، جه‌خت له گرنگى وه‌رده‌وامى كار نيشتمانى كردگه له‌وه‌ر خاتر ده‌ربازبوين له گرفته‌يل ئيسه‌ى ئابوورى و ئه‌منى و سياسى تا ره‌سيده ئامانجه‌يل به‌رنامه حكوميه‌گه.
