دو ده‌وڵه‌ت كه‌نداو خوازيارن له‌ڕێ خاكه‌يل عراقه‌و هه‌نارده‌ى نه‌فت بكه‌ن
شه‌فه‌ق نيوز/ ئه‌نداميگ ئه‌نجومه‌ن نوێنه‌ره‌يل له‌بان پاريزگاى ئه‌نبار ئه‌وه ده‌رخست ك كوه‌يت و قه‌ته‌ر پيشنياريگ پيشكه‌ش وه عراق كردنه ئه‌را هه‌نارده‌كردن نه‌فته‌يليان له‌ڕێ خاكه‌يل عراقييه‌و له‌ساى ئى گرژى و بارودوخ ك وجوود ديرێد له‌ناونى ئه‌مريكا و ئيران.
فه‌يسه‌ڵ عيساوى وت: كوه‌يت له‌ى دوياخره پيشنياريگ وه عراق پيشكه‌ش كردگه ئه‌را هه‌نارده‌كردن نه‌فت له‌ڕێ به‌نده‌ره‌يل عراق دوياى به‌رزه‌وبوين گرژيه‌يل ناونى واشنتۆن و ته‌هران و باس له‌وه‌يش كرد قه‌ته‌ريش وه هه‌مان شيوه‌و ئه‌را هه‌مان مه‌به‌س پيشنيار خوه‌ى پيشكه‌ش وه عراق كردگه.
جى باسه، عيساوى سه‌رى سوڕمه‌ند له خوه‌يكيشانه‌وه‌ى بڕيگ له نێرده‌يل دبلۆماسى له به‌غدا له‌وه‌ختيگ ك هيمان ئه‌و نوێنه‌رايه‌تيه‌يله كار خويان ئه‌كه‌ن له ته‌هران و جه‌ختيش له‌وه كرد ك جه‌نگ راسكانى له‌ناونى ئه‌مريكاو ئيران روێ نايه‌ێد.
