ده‌سپاكى بڕيار چڕين وشكاننكاريگ گشتى و ته‌وقفيكردن ئه‌نداميگ پاريزگاى بابل ده‌ركرد
2019-11-17T09:00:55+00:00
شه‌فه‌ق نيوز/ ده‌سه‌ى ده‌سپاكى ئاشكراى ده‌رچگن بڕياريگ دادوه‌رى كرد له‌باره‌ى ته‌وقيفكردن ئه‌نداميگ له ئه‌نجومه‌ن پاريزگاى بابل و فه‌رمان چڕين وشكاننكاريگ گشتى وه‌رين وه‌زاره‌ت ته‌ندروستى وه‌گوورى مادده‌ى(340)له ياساى سزايه‌يل عراقى.
له‌ى باوه‌ته‌و ده‌زگاى په‌يجووريه‌يل ئاماژه وه ده‌رچگن بڕيار دادگاى په‌يجوورى كرد تايبه‌ت وه نوڕستن وه كاره‌يل ده‌سپاكى له بابل و بڕيار ته‌وقيفكردن ئه‌نداميگ له‌ئه‌نجومه‌ن پاريزگاگه‌و وت: ئه‌و بڕياره له‌وه‌ر وجوود سه‌رپيچيه‌يليگ ده‌رچيه له‌باره‌ى دامه‌زرانن ويستگه‌ى سوزه‌مه‌نى شۆمه‌لى.
ده‌زگاگه هه‌ميش وت: فه‌رمان چڕين ئه‌را وشكاننكاريگ گشتى وه‌رين وه‌زاره‌ت ته‌ندروستييش ده‌رچيه له ئه‌نجام وجوود سه‌رپيچيه‌يليگ له ريككه‌فتن ئه‌را بنياتناين نه‌خوه‌شخانه‌يگ(400) قه‌ره‌وێڵه‌يى له پاريزگاى بابل.
