خوه‌ينيشانداين له‌ پاريزگايه‌يليگ عراقى له‌نوو ده‌سوه‌پيكرد و داواى نه‌مه‌ندن حكومه‌ت ئه‌كريه‌ێد

خوه‌ينيشانداين له‌ پاريزگايه‌يليگ عراقى له‌نوو ده‌سوه‌پيكرد و داواى نه‌مه‌ندن حكومه‌ت ئه‌كريه‌ێد
2019-10-26T18:36:38+00:00

شه‌فه‌ق نيوز/ ئه‌را دويه‌م رووژه‌ له‌شوون يه‌ك خوه‌ينيشانداين له‌ پاريزگايه‌يل وه‌رده‌وامه‌ سه‌ربار ئه‌وه‌گ فه‌رمان قه‌يه‌غه‌ى هاتوچوويش درياگه‌.

 

له‌و باوه‌ته‌و، چالاكوان و خوه‌ينيشانده‌ره‌يل وتن: له‌ پاريزگاى واست خوه‌ينيشانداين دوباره‌ ده‌س وه‌پيكرياگه‌و له‌تى خوه‌نيشنيشانده‌ره‌يل داواى ئه‌كه‌ن حكومه‌ت ئيسه‌ى عراقى له‌ ده‌سڵات نه‌مينێد.

 

وه‌گووره‌ى زانياريه‌يل، خوه‌ينيشانداين له‌ بابل ده‌سوه‌پيكرد سه‌ربار قه‌يه‌غه‌نى هاتوچوو له‌ شاره‌گه‌، يه‌يش بيجگى پاريزگاى به‌سره‌ له‌ پايين باشوور عراق ك له‌تى هيزه‌يل ئه‌منى روێ وه‌ڕوێ خوه‌ينشنده‌ره‌يل بوينه‌سه‌و، له‌ پاريزگاى زيقاريش وه‌گووره‌ى په‌يامنێرمان ئه‌وه‌ ده‌ركه‌فت ك خوه‌ينيشانده‌ره‌يل باره‌گاى سه‌رۆك حكومه‌ت ناوچه‌يى له‌ پاريزگاگه‌ گه‌مارۆ دانه‌.

Shafaq Live
Shafaq Live