حه‌لبوسى دوياى په‌لاماره‌يل وه‌رده‌وام داوا ئه‌كا پياچگنه‌وه له پلانه‌يل ئه‌منى بكريه‌ێد
شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل، داواى هه‌ڵويستيگ جددى كرد ئه‌را پياچگنه‌وه‌ى پلانه‌يل ئه‌منى وه‌تايبه‌ت له ناوچه‌يل ئازادكرياى ئه‌را روێ وه‌ڕوێ بوينه‌وه‌ى ريكخرياگ داعش و داوايش كرد مقه‌يه‌تى له سه‌ركه‌فتنه‌يل بكريه‌ێد، ئه‌ويش دوياى په‌لاماره‌يل ئى دوياخره ئه‌را بان هيزه‌يل ئه‌منى و حه‌شد شه‌عبى له پاريزگاى سه‌ڵاحه‌دين.
له‌ى باوه‌ته‌و، نويسينگه‌ى ره‌سانن سه‌رۆك په‌رله‌مان له به‌يانناميه‌گ ئه‌را شه‌فه‌ق نيوز وت: محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل ئه‌و په‌لاماره شه‌رمه‌زار ئه‌كا ك داعش ئه‌را بان رووڵه‌يل هيزه‌يل ئه‌منى و حه‌شد شه‌عبى ئه‌نجامى داگه له ناوچه‌يل جياجيا له په‌اريزگاى سه‌ڵاحه‌دين ك له‌تى شماره‌ى شه‌هيد و زه‌خمدار كه‌فته‌و.
حه‌لبوسى باس له‌وه‌يش كرد كرده‌وه‌يل دوباره‌كرياێ تيرۆريستى هه‌وه‌جه وه هه‌ڵويستيگ جددى ئه‌كا ئه‌را پياچگنه‌وه‌ى پلانه‌يل ئه‌منى، له‌وانه‌يش له ناوچه‌يل ئازادكرياێ له‌وه‌ر له‌ناوبردن پاشماوه‌يل ريكخرياگ داعش.
