ته‌ندروستى جه‌هانى چاره‌سه‌ر ئه‌را زيايبوين تويشهاتن وه‌ كۆرۆنا له‌ عراق خسته‌ڕوێ

ته‌ندروستى جه‌هانى چاره‌سه‌ر ئه‌را زيايبوين تويشهاتن وه‌ كۆرۆنا له‌ عراق خسته‌ڕوێ
2020-05-16T10:44:06+00:00

شه‌فه‌ق نيوز/ ريكخرياگ ته‌ندروستى جه‌هانى، جه‌خت له‌ چه‌سپانن قه‌يه‌غه‌ى هاتوچوو و كه‌ره‌نتينه‌كردن ناوچه‌يليگ كرد له‌ عراق ك به‌شدار ئه‌دێ له‌ داوه‌زانن شماره‌ى تويشبوين وه‌ ڤايرۆس كۆرۆنا.

له‌ى باوه‌ته‌و، ئه‌دهه‌م ئسماعيل نوێنه‌ر ريكخريا ته‌ندروستى جه‌هانى له‌ عراق ئه‌را ئاژانس شه‌فه‌ق نيوز وت: حكومه‌ت عراقى له‌ كووتايى مانگ ره‌مه‌زان رێ وشوون قه‌يه‌غه‌ى هاتوچوو ئه‌گرێده‌ وه‌ر، بيجگه‌ داخستن و كه‌ره‌نتينه‌كردنن بڕيگ ناوچه‌ له‌ به‌غداى پايته‌خت و به‌سره‌ ك شماره‌ى تويشبوين وه‌ ڤايرۆس كۆرۆنا له‌تيان به‌رزه‌.

ئسماعيل هه‌ميش وت: كادره‌يل پزيشكى له‌ وه‌زاره‌ت ته‌ندروستى ئاماريگ مه‌يدانى ئه‌نجام ئه‌يه‌ن له‌و ناوچه‌يله‌ ك له‌وه‌خت قه‌يه‌غه‌ى هاتوچوو داخريه‌ن و باس له‌وه‌يش كرد فاتحه‌خوه‌نين و ئاهه‌نگسازى و گرده‌وبوينه‌يل به‌شدار بوينه‌ له‌ به‌رزه‌وبوين شماره‌ى تويشبوين وه‌ ڤايرۆسه‌گه‌و ئاماژه‌ وه‌يه‌يش كرد ك هه‌وه‌جه‌ وه‌ ئه‌وه‌ ئه‌كا هاووڵاتيه‌يل پابه‌ند بوون وه‌ رێ وشوونه‌يل ته‌ندروستى ك له‌لايه‌ن حكومه‌ت عراقييه‌و ده‌رئه‌چێد.

Shafaq Live
Shafaq Live