به‌غدا رێ وه هاتنه‌ناو كه‌سه‌يل ئه‌ياد وه‌مه‌رجيگ له‌هساو خوه‌يان كه‌ره‌نتين بكريه‌ن
2020-06-16T10:29:25+00:00
شه‌فه‌ق نيوز/ حه‌يده‌ر عه‌زارى باڵيۆز عراقى له ئوردن، ئاشكراى چه‌سپانن كه‌ره‌نتينكردن له‌بان كه‌سه‌يل هاتگ ئه‌را به‌غداى پايته‌خت كرد ئه‌را ماوه‌ى دو هه‌فته له‌بان هساو تايبه‌ت خوه‌يان.
عزارى له‌بان ماڵپه‌ڕ تويته‌ر ك ئاژانس شه‌فه‌ق نيوز ئاگادارى بوى، ليژنه‌ى باڵاى ته‌ندروستى و سه‌لامه‌تى له به‌غدا، گشت كه‌سه‌يل هاتگ ئه‌را وڵاته‌گه كه‌ره‌نتين ئه‌كا له هۆتيله‌يل و شوونه‌يل تايبه‌ت ئه‌را ماوه‌ى(14)رووژ و له هساو خوه‌يان.
يه‌يش له‌وه‌ختيگه ده‌سڵاته‌يل عراقى ده‌سكردنه به‌سانن ده‌روازه‌يل ده‌يشتايى و ئاسمانى له‌وه‌رده‌م هاتگه‌يل له مانگ ئادار گوزه‌يشت وه‌ل بڵابوينه‌وه‌ى ڤايرۆس كۆرۆنا، وه‌لێ له‌هه‌مان وه‌خت رێ وه گه‌شته‌يل جياى ئاسمانى دا له‌وه‌ر هاوردنه‌وه‌ى هاووڵاتيه‌يل گيرخواردگ عراقى له وڵاته‌يل تر ئه‌را عراق.
