به‌سره هووكاره‌يل به‌رزه‌وبوين حاڵه‌ته‌يل تويشبوين وه كۆرۆنا ئاشكرا كرد
شه‌فه‌ق نيوز/ حه‌سه‌ن خه‌ڵاتى ئه‌ندام ليژنه‌ى ته‌ندروستى نوێنه‌رايه‌تى، ئاشكراى هووكاره‌يل به‌رزه‌وبوين حاڵه‌ته‌يل تويشبوين وه ڤايرۆس كۆرۆنا له به‌سره كرد وه ئه‌وه‌گ وه‌ركه‌فته‌ى كه‌سه‌يل تر تويشهاتگ وه‌و په‌تا بوينه.
خه‌ڵاتى ئه‌را شه‌فه‌ق نيوز وت: كادره‌يل ته‌ندروستى له پاريزگاى به‌سره هه‌وڵ فراوانيگ ئه‌يه‌ن له مامڵه‌كردن وه‌ل كه‌سه‌يل تويشبوى وه‌و په‌تا، وه‌لێ له هه‌مان وه‌خت جى داخه شماره‌ى فريه‌يگ له مه‌ردم پابه‌ند نين وه رينمايه‌يل ته‌ندروستى و داوايش له رووڵه‌يل ئه‌و پاريزگا كرد له مانگ ره‌مه‌زان پابه‌ند بوون وه جيوه‌جيكردن بڕياره‌يل ته‌ندروستى.
جى باسه، خه‌ڵاتى هه‌ميش وت: ئيمه راى خوه‌مان داشتيم و له‌ى دوياخريشه نيگه‌ران بويمن له‌باره‌ى مه‌ترسيه‌يل هه‌ڵگرتن قه‌يه‌غه‌ى نيمچه‌يى هاتوچوو و يه‌يش راى زوورم پزيشكه‌يليش بوى له پاريزگاگه‌و ئمڕويش له نزيكه‌وه ته‌ماشاى حاڵه‌ته‌يل تويشبوين وه‌ى په‌تا ئه‌كه‌يم و ئوميده‌واريم شماره‌ى تويشبوين كه‌متره‌و بدێ تا راده‌يگ وه‌ته‌واوى كۆنترۆڵ بكريه‌ێد.
