به‌سانن زوورم ريه‌يل و ده‌زگايه‌يل حكومه‌ت جموجويل له به‌سره وسانگه
شه‌فه‌ق نيوز/ پاريزگاى به‌سره جاريگتر خوه‌ينيشانداين له‌تى روێ له به‌رزه‌وبوين كرد، دوياى ئه‌وه خوه‌ينشانده‌ره‌يل زوورم رێ وبانه‌يلێ بڕينه و ناوه‌ند پاريزگاگه له باقى قه‌زايه‌يل تر داوڕينه.
له‌ى باوه‌ته‌و، سه‌رچه‌وه‌يگ ئه‌منى ئه‌را شه‌فه‌ق نيوز وت: ده‌مه‌و شه‌وه‌كى ئمڕوو خوه‌ينيشانده‌ره‌يل ده‌سڵات گرتنه‌سه بان پيه‌ڵ گزيزه له‌ناوڕاس ناوه‌ند پاريزگاگه‌و وه‌ته‌واوى به‌سانه‌سه‌ى.
سه‌رچه‌وه‌گه هه‌ميش وت: ريه‌يل وه‌ره‌و به‌نده‌ر ئوم قه‌سر و به‌نده‌ر خۆر زوبێر و كارخانه‌ى په‌يين و كۆمه‌ڵگه‌يگ خه‌زن و هه‌نارده‌كردن و وێستگه‌ى غازى به‌رهه‌م كاره‌با و سه‌رچه‌وه‌يل نه‌فتى له‌لايه‌ن خوه‌ينيشانده‌ره‌يله‌و له ديم ناحيه‌ى خۆر زوبێره‌و له خوه‌رئاواى به‌سره به‌سياگه، ك يه‌يش ريككه‌فته وه‌ل پشوو ده‌وام فه‌رمى ك له‌لايه‌ن پاريزگاره‌و ئعلان كريا له‌وه‌ر هووكاره‌يل ئه‌منى.
