ئوردن داواكارييگ له‌باره‌ى كۆمپانيايه‌يلێ ئاراسته‌ى عراق كرد

ئوردن داواكارييگ له‌باره‌ى كۆمپانيايه‌يلێ ئاراسته‌ى عراق كرد
2019-07-11T16:37:31+00:00

شه‌فه‌ق نيوز/ موسه‌نا غرايبه‌ وه‌زير ئابوورى شماره‌يى ئوردنى له‌ ديدارى له‌ به‌غدا وه‌ل فوئاد حسێن جيگر سه‌رۆك وه‌زيره‌يل عراقى ئه‌را كاروبار ئابوورى وه‌زيرى دارايى، ريه‌يل و بواره‌يل هاريكارى ئابوورى له‌ناوتى هه‌ردوگ وڵات و گرنگى ئاڵشت وئوڵشت شاره‌زايى له‌ بواره‌يل ئابوورى شماره‌يى و كاره‌يل ئه‌لكترۆنى تاووتوێ كرد.

 

غرايبه‌ له‌و ديداره‌ داوا له‌ عراق كرد ئاسانكارى ئه‌را كۆمپانيايه‌يل ئوردنى بكريه‌ێد ئه‌را ئه‌وه‌گ بتويه‌نن بانه‌ ناو بازاڕ عراقه‌وه‌ هاوبه‌شى بكه‌ن وه‌ل ده‌زگاو كۆمپانيايه‌يل له‌ هه‌ردوگ كه‌رته‌يل گشتى و تايبه‌ت له‌ بواره‌يل جياجياو شاره‌زايى خوه‌يان بخه‌نه‌ڕوێ وه‌ل جيوازكردن ئه‌زمه‌نه‌يليان له‌وه‌ر پشتگيرى و په‌ره‌داين وه‌ ئابوورى عراقى.

 

جى باسه‌، سه‌ردانه‌كه‌ى غرايبه‌ ئه‌را عراق وه‌ سه‌رۆكايه‌تى شانديگ بوێ ك 30 كۆمپانياى ئوردنى له‌خوه‌ى گرت ئه‌را به‌شدارىله‌ چالاكيه‌يل كۆنگره‌ى شماره‌يى له‌ كه‌رت دارايى ك له‌لايه‌ن كۆمه‌ڵه‌ى ئابوورى عراقى و ئوردنى و كۆمه‌ڵه‌ى بانكه‌يل عراقى وه‌ هاوكارى وه‌ل كۆمه‌ڵه‌ى ئنتاج ئوردنى ساز ئه‌كريه‌ێد.

Shafaq Live
Shafaq Live