ئه‌و ژنه‌ له‌ كه‌ركوك هتاف وه‌ سه‌دام و به‌عس كيشا فه‌رمان ده‌سگيركردنى ده‌رچێ

ئه‌و ژنه‌ له‌ كه‌ركوك هتاف وه‌ سه‌دام و به‌عس كيشا فه‌رمان ده‌سگيركردنى ده‌رچێ
2019-07-13T20:41:33+00:00

شه‌فه‌ق نيوز/ سه‌رچه‌وه‌يگ وه‌رپرس ئه‌منى ئاشكراى ده‌رچگن ياداشتيگ ده‌سگيركردن كرد ده‌رهه‌ق وه‌ ژنيگ ك هتاف وه‌ حزب به‌عس رمياگ و سه‌دام حسێن سه‌رۆك رژيم وه‌رين كيشا له‌ خوه‌ينيشاندانيگ ك له‌لايه‌ن عه‌ره‌به‌يله‌و ريكخريا له‌ پاريزگاى كه‌ركوك دژ وه‌ كانديدكردن ته‌يب جه‌بار ئه‌مين ئه‌را پۆست سه‌رۆك حكومه‌ت ناوچه‌يى له‌ پاريزگاگه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: ياداشتيگ ده‌سگيركردن دادوه‌رى ده‌رهه‌ق وه‌(ره‌نا حه‌ميد)درچيه‌ وه‌ تومه‌ت هتاف كيشان و ته‌مجيد ناو سه‌دام و حزب به‌عس له‌وه‌خت خوه‌ينيشانداين له‌ شار كه‌ركوك.

 

جى باسه‌، حه‌ميد دويه‌كه‌ له‌ گرته‌يگ ڤيديۆ ده‌ركه‌فت له‌ناوڕاس مه‌ردم فريه‌يگ له‌ خوه‌ينيشانده‌ره‌يل له‌ كه‌ركوك هتاف وه‌ به‌عس كيشاو وت: ئيمه‌ سه‌دامييم و كه‌ركوك ئه‌را عه‌ره‌ب سنيه‌ و ئاماژه‌ وه‌يه‌يش كرد ك خه‌ڵك پاريزگاگه‌ نيه‌ به‌ڵكوو خه‌ڵك روماديه‌ ناوه‌ند پاريزگاى ئه‌نبار له‌ خوه‌رئاواى عراق.

Shafaq Live
Shafaq Live