ئه‌نداميگ پاسه‌وان شۆرش ئيرانى له نزيك مه‌رزه‌يل عراقى كوشيا
2019-08-27T09:31:22+00:00
شه‌فه‌ق نيوز/ ئاژانس هه‌واڵه‌يل فارس نيمچه فه‌رمى، ئاشكراى ئه‌وه كرد ئه‌نداميگ له شۆرش ئيرانى له باكوور خوه‌رئاواى وڵاته‌گه له نزيك مه‌رزه‌يل عراقى كوشياگه.
ئاژانسه‌گه وت: ئه‌و ئه‌ندام شۆرش پاسه‌وان ئيرانيه له شار پيرانشار كوشياگه، وه‌لێ دى باس له‌وه نه‌كرد چ لايه‌نيگ ئه‌و په‌لاماره ئه‌نجام داگه.
جى باسه، وه‌رده‌وام جه‌نگه‌يليگ دوباره‌كرياێ له خوه‌رئاواى ئيران له‌ناونى هيزه‌يل ئاسايش سه‌ر وه ئيران و كورده‌يل چه‌كدار ئيران روێ ئه‌ياد ك زوورميان له عراق ئه‌كريه‌ێد و له‌وانه‌يش حزب ژيانه‌وه‌ى كوردستان ك تاران وه ئه‌وه تومه‌تبارى ئه‌كا ده‌س وه‌ل پارت كارگه‌ره‌يل كوردستان له توركيا ديرێد.
