ئه‌نداميگ له‌باره‌ى مه‌رجه‌يل ياساى تاوان زانياريه‌يل وشدارێ دا

ئه‌نداميگ له‌باره‌ى مه‌رجه‌يل ياساى تاوان زانياريه‌يل وشدارێ دا
2019-09-15T10:46:27+00:00

شه‌فه‌ق نيوز/ هۆشيار عه‌بدوڵڵا جه‌خت له‌ ره‌ته‌وكردن مه‌سه‌له‌ى جيوه‌جيكردن ياساى تاوان زانياريه‌يل كرد له‌بان شيواز ئيسه‌ى و وت: ئى ياسا مه‌رج ئه‌خاده‌ بان ئازادى راده‌رخستن له‌ جياى جواودانه‌وه‌ى تاوان زانياريه‌يل.

 

عه‌بدوڵڵا له‌ به‌ياننامه‌يگ ئه‌را شه‌فه‌ق نيوز وت: هه‌ر له‌ خوول وه‌رين و دوياى به‌شدارى له‌ وۆرك شۆپه‌يل فريه‌يگ له‌باره‌ى ئى ياسا، ئه‌وه‌ ده‌ركه‌فت ك له‌حاڵه‌ت جيوه‌جيكردنى وه‌شيوه‌ى ئيسه‌ێ مه‌رجه‌يليگ له‌بان ئازادى راده‌رخستن دانه‌ێد و ئه‌دێده‌ مه‌هانه‌يگ وه‌ده‌س لايه‌نه‌يل جيوه‌جيكار ئه‌را چه‌سپانن مه‌رجه‌يل.

 

جى باسه‌، عه‌بدوڵڵا هه‌ميش وت له‌ حاڵه‌تيگ ئه‌گه‌ر ئى ياسا جێوه‌جێ كريا، ئه‌وه‌ ده‌سوه‌ردان په‌يا ئه‌دێ و جووريگ له‌ ئاژاوه‌ى ته‌شريعى دروس ئه‌دێ، چوينكه‌ مادده‌يليگ هه‌ن سزا له‌خوه‌يان ئه‌گرن له‌ هه‌مان باوه‌ت و وجووديش ديرێد له‌ ياسايه‌يل تر.

Shafaq Live
Shafaq Live