ئه‌نداميگ حزب به‌عس له په‌لاماريگ له ناسريه زه‌خمدار بوێ و جايه‌ڵيگيش له به‌غدا رفيا
2020-06-13T20:08:55+00:00
شه‌فه‌ق نيوز/ سه‌رچه‌وه‌يگ ئه‌منى، ئاشكراى زه‌خمداربوين كه‌سيگ كرد له‌ئه‌نجام ته‌قه‌كردن له‌لى وه چه‌ك بيده‌نگ له شار ناسريه ناوه‌ند پاريزگاى زيقار، وه‌ل رفانن جايه‌ڵيگ له به‌غدا و بردنى ئه‌را شوونيگ ناديار.
سه‌رچه‌وه‌گه ئه‌را ئاژانس شه‌فه‌ق نيوز وت: چه‌كداره‌يل نه‌ناسرياێ وه چه‌ك بيده‌نگ ته‌قه له(ع. م) زاينده‌ى ساڵ 1954 كردنه له جاده‌ى ئخڵاس له شار ناسريه و وه سه‌ختى زه‌خمدارى كردنه ك زه‌خمداره‌گه ئه‌ندام شوعبه بويه له حزب به‌عس رمياى.
له‌لايگ تره‌و، شماره‌يگ چه‌كدار جايه‌ليگ زاينده‌ى 2005 له‌ناوچه‌ى حه‌ى ئوور له به‌غدا رفاننه‌و بردنه‌سه‌ى وه‌ره‌و شوونيگ ناديار.
