ئه‌مريكا كه‌ره‌سه‌ى تازه ئه‌را روێ وه‌ڕوێ بوينه‌وه‌ى كۆرۆنا دا عراق و هه‌رێم كوردستان
2020-05-27T11:16:30+00:00
شه‌فه‌ق نيوز/ وڵاته‌يل يه‌كگرتگ ئه‌مريكا، ئاشكراى كرد تاقم وشكانن ڤايرۆس كۆرۆنا راده‌س وه 4 تاقيگاى هه‌ريه‌ك له پاريزگايه‌يل هه‌ولێر و به‌غدا و نه‌جه‌ف و به‌سره كردگه و ئاماژه وه به‌خشين وه كۆمپيوته‌ر كردگه له‌وه‌ر ئامار په‌تايى.
له‌ى باوه‌ته‌و، باڵيۆزخانه‌ى ئه‌مريكا له عراق وت: وڵاته‌يل يه‌كگرتگ 25 كۆمه‌ڵه تاقم وشكانن ڤايرۆس كۆرۆنا داسه چوار تاقيگاى گشتى ته‌ندروستى له هه‌ولێر و به‌غدا و نه‌جه‌ف و به‌سره.
باس له‌وه‌يش كرد ئى تاقمه‌يله تواناى تاقيگايه‌يل ته‌ندروستى گشتى له عراق بته‌وتر ئه‌كه‌ن وه‌ل خاسه‌وكردن وه‌رده‌وام ده‌رخستن ڤايرۆسه‌گه وه دقه‌ته‌و. يه‌يش ده‌رخست ك 44 ئامێر كۆمپيوته‌ر جيوازكه‌ريش راده‌سيان كردگه له‌وه‌ر ئامار په‌تايى له عراق.
