ئاژانسيگ: سلێمانى سه‌ردان مه‌رزه‌يل عراقى سوورى كرد و باس له ئه‌گه‌ره‌يل جه‌نگ كردگه
2019-07-26T19:05:10+00:00
شه‌فه‌ق نيوز/ ئاژانس ئه‌نادۆل توركى، باس له‌وه كرد ليوا قاسم سلێمانى سه‌ركرده‌ى فه‌يله‌ق قودس له پاسه‌وان شۆڕش ئيرانى، رينمايى داسه فه‌سيله‌يل سه‌ر وه‌ئيران له‌سوريا، ئاماده بوون ئه‌را جه‌نگ ئه‌گه‌ركرياێ وه‌ل وڵاته‌يل يه‌كگرتگ ئه‌مريكا.
ئاژانسه‌گه له زووان سه‌رچه‌وه‌يليگ ناوچه‌يى وت: سلێمانى سه‌ردان شار ئه‌لبوكه‌مال سه‌ر وه پاريزگاى دێره‌زۆر له باشوور خوه‌رهه‌ڵات سوريا كردگه له مه‌رزه‌يل وه‌ل عراق.
ئه‌و سه‌رچه‌وه‌يله يه‌يش ده‌رخستنه ك سلێمانى سه‌ردان سه‌ربازگه‌يل ئه‌و فه‌سيله‌يل سه‌ر وه ئيراننه كردگه و چه‌ويشى كه‌فته‌سه راوێژكاره‌يل سه‌ربازى پاسه‌وان شۆرش و سه‌ركرده‌يل جياجياى ئه‌و فه‌سيله‌يله له‌و ناوچه‌و داوا له‌لياان كردگه خوه‌يان ئه‌را جه‌نگ ئه‌گه‌ركرياى وه‌ل وڵاته‌يل يه‌كگرتگ ئاماده بكه‌ن.
