ئاسايش خوه‌ينيشانده‌ره‌يل له‌وه‌رده‌م كونسڵخانه‌ى ئيرانى له كه‌ربه‌لا چويچان
2019-11-04T08:59:25+00:00
شه‌فه‌ق نيوز/ ده‌مه‌و شه‌وه‌كى ئمڕوو هيزه‌يل ئاسايش تويه‌نستن خوه‌ينيشانده‌ره‌يل له‌وه‌رده‌م باڵه‌خانه‌ى كونسوڵيه‌ى ئيرانى له كه‌ربه‌لا بچويچنن.
له‌و باوه‌ته‌و، سه‌رچه‌وه‌يگ له پۆليس عراقى و شايه‌تحاڵه‌يل ئه‌را شه‌فه‌ق نيوز ئه‌وه ده‌رخستن ك هيزه‌يل ئه‌منى بۆمب ئه‌سرڕشن و گوله له خوه‌ينيشانده‌ره‌يل وه‌شاننه ئه‌را چويچاننيان له‌وه‌رده‌م باڵه‌خانه‌ى كونسوڵيه‌گه دوياى هه‌وڵداين ئه‌را ئه‌وه‌گ بچنه ناو كوسوڵخانه‌گه.
لاى خوه‌ييشه‌و، سه‌رچه‌وه‌يگ له ناوخود كونسوڵخانه‌گه له كه‌ربه‌لا وت: بنايه‌گه به‌تاڵه له دبلۆماكاره‌يل ئيرانى وه بوونه‌ى ئه‌و شه‌پۆل خوه‌ينيشانداينه ك وجوود ديرێد له شاره‌گه.
