4 حاڵه‌ت مردن و 67 تويشبوين وه‌ كۆرۆنا له‌ دو پاريزگا تۆمار كريا

4 حاڵه‌ت مردن و 67 تويشبوين وه‌ كۆرۆنا له‌ دو پاريزگا تۆمار كريا
2020-06-12T23:19:41+00:00

شه‌فه‌ق نيوز/ ده‌سڵاته‌يل ناوچه‌يى له‌ هه‌ردوگ پاريزگاى دياله‌و سه‌ڵاحه‌دين، ئاشكراى تۆماركرن 4 حاڵه‌ت مردن و 67 تويشبوين وه‌ ڤايرۆس كۆرۆنا كردن و له‌ناونيانيش 5 پزيشك.

ده‌زگاى ته‌ندروسى دياله‌ له‌ به‌ياننامه‌يگ ئه‌را شه‌فه‌ق نيوز وت: وشكانن ئه‌را 123 حاڵه‌ت كرياگه‌ له‌ تاقيگايه‌يل له‌ به‌عقووبه‌، 39 له‌ليان ئه‌نجامه‌گه‌ى پۆزه‌تيف ده‌رچيه‌ ك تويش وه‌ ڤايرۆسه‌گه‌ بوينه‌ و دابه‌ش له‌بان ناوچه‌يل جياجيا له‌ پاريزگاگه‌ بوينه‌.

باس له‌وه‌يش كرد له‌ناونى ئه‌و تويشبويه‌يله‌ 4 پزيشك وجوود داشتنه‌ وه‌ل كارگه‌ريگ خزمه‌تگوزارى له‌ يه‌كيگ له‌ ده‌زگايه‌يل ته‌ندروستى، ئاماژه‌ وه‌يه‌يش كرد 4 حاڵه‌ت تازه‌ى مردنيش تۆمار كرياگه‌.

له‌ سه‌ڵاحه‌دينيش شانه‌ى قه‌يران له‌ به‌ياننامه‌يگ ئه‌را ئاژانس شه‌فه‌ق نيوز وت: 28 حاڵه‌ت تويشبوين وه‌ په‌تاگه‌ تۆمار كريانه‌ و دابه‌ش بوينه‌ له‌ناونى 16 حاڵه‌ت له‌ به‌له‌د له‌ناونيان پزيشكيگ و 8 حاڵه‌ت له‌ خورماتوو و 3 حاڵه‌ت له‌ زڵوعيه‌و يه‌ك حاڵه‌تيش له‌ سامه‌ڕا.

Shafaq Live
Shafaq Live