چين بڕيار هه‌ڵوه‌شاننه‌وه‌ى مه‌رجه‌يل گه‌شتكردن دا له سه‌رچه‌وه‌ى بڵاوبوينه‌وه‌ى كۆرۆناوه
2020-03-24T09:44:36+00:00
شه‌فه‌ق نيوز/ ليژنه‌ى ته‌ندروستى له هه‌رێم هوبى چينى، ئاشكراى ئه‌وه كرد له سوو چوارشه‌ممه‌وه گشت مه‌رجه‌يليگ له‌بان هاتن و چگن گه‌شت هه‌ڵوه‌شيه‌ێده‌و ته‌نيا شار وۆهان پايه‌خت هه‌رێمه‌گه و سه‌رچه‌وه‌ى بڵاوبوينه‌وه‌ى ڤايرۆس كۆرنا له‌لى بترازيه‌ێد.
ليژنه‌گه له به‌ياننامه‌يگ وت: له 18ى ئه‌بريل ئاينده‌يش مه‌رجه‌يليش له‌بان ده‌رچگن له وۆهان لاوريه‌ێد.
جى باسه، له 23ى يه‌نايه‌ر گوزه‌يشته‌و، ده‌سڵاته‌يل چينى، مه‌رجه‌يليگ له‌باره‌ى هه‌رێم وۆهان دانان وه‌تايبه‌ت دوياى بڵاوبوينه‌وه‌ى ڤايرۆس كۆرۆناو تۆماركردن هه‌زاران حاڵه‌ت تويشهاتن وه‌و ڤايرۆسه.
