چوار سوورى له بۆردومان ئسرائيلى كوشيان
2019-07-01T09:15:02+00:00
شه‌فه‌ق نيوز/ سيستمه‌يل وه‌رگرى سوورى روێ وه‌ڕوێ مووشه‌كه‌يل دوشمن بوينه‌و له ده‌ورگرد ديمه‌شق و ناوڕاس وڵات، ئه‌ويش وه‌گووره‌ى ئه‌وه‌گ ئاژانس فه‌رمى هه‌واڵه‌يل سوريا بڵاوى كرد ك له‌تى چوار كه‌س مه‌ده‌نى كوشيانه.
له‌ى باوه‌ته‌و، ئاژانس سانا له هه‌واڵيگ وه‌په‌له وت: سيسته‌يل وه‌رگرى سوورى روێ وه‌ڕوێ په‌لاماريگ دوشمن بوينه‌سه‌و له ريف ديمه‌شق و حومس و باس له خستنه‌خواره‌وه‌ى شماره‌يگ له‌و موشه‌كه‌يله كرد.
جى باسه، سانا تومه‌ت ئى په‌لاماره نه‌خسته پاڵ هويچ لايه‌نيگ و فريه‌جار وشه‌ى دوشمن وه‌كار ئه‌يه‌رێد هه‌ناى ك ئسرائيل تومه‌تبار ئه‌كا وه په‌لامار دژ وه بنگه‌يل سه‌ربازى له وڵاته‌گه.
