وه‌رپرسيگ ئه‌مريكى باس له "بۆمبيگ ته‌وقيتكرياێ" ئه‌كا له سوريا
شه‌فه‌ق نيوز/ وه‌رپرسيگ باڵا له وه‌زاره‌ت خارجه‌يى ئه‌مريكى، باس له‌وه كرد وجوود نزيكه‌ى 10 هه‌زار ديل له ريكخرياگ تيرۆريستى داعس و ده‌سوه‌سه‌ركردنيان له كه‌مپه‌يل نزيك له باكوور خوه‌رهه‌ڵات سوريا هه‌ڕه‌شه‌يگ گه‌وراى ئه‌منيه، ته‌نانه‌ت ئه‌گه‌ر هيزه‌يل چه‌كدار كورديش ك هاوپه‌يمانن وه‌ل ئه‌مريكا تواناى ته‌ئمينكردنيان بياشتوود.
ئه‌و وه‌رپرسه ئه‌را رووژنامه‌نويسه‌يل له كۆنگره‌يگ له‌ڕێ ته‌له‌فۆنه‌وه وت: بارودوخه‌گه وه‌گشتى ئه‌مان نيه‌و بۆمبيگ ته‌وقيتكرياگه ك به‌ش گه‌ورايگ وه‌ده‌سده‌و بدێ له 10 هه‌زار ده‌سوه‌سه‌ركرياێ ك فريه‌يگ له‌ليان جه‌نگكه‌ر بيگانه‌ن و باس له‌وه‌يش كرد ك خواست ئه‌وه‌سه ئه‌و ديله‌يله كله‌و بكريه‌ن ئه‌را وڵاته‌يل خوه‌يان.
جى باسه، يه‌يش له‌وه‌ختيگه هاوپه‌يمانه‌يل نگه‌رانى خوه‌يان ده‌رخستن له ئه‌گه‌ره‌يل هه‌يواين چه‌كداره‌يل داعش له سوريا دوياى په‌لاماره‌يل توركيا ئه‌را بان كورده‌يل له باكوور سوريا.
