کوشیان فەرماندەی ناودیاریگ لە سوپای پاسداران وە گورزیگ ئیسرائیل لە سوریا

سەرچەوەیل ئەرا ئاژانس شەفەق نیوز وتن: ئەو گورزە لە دیمەشق بینایگ لەشان باڵیۆزخانەی ئیران کردە ئامانج، و مەزەنە هەس شوین باڵیۆز ئیران بوود.

سەرچەوەیل دیاری کردن کە زانیاریەیل سەرەتایی نشان دەن کە راوێژکار ناودیار لە هیز قودس سەروە سوپای پاسداران ئیران محمد رەزا زاهدی کوشیاس، وەگەرد پەنج کەس ترەک.

وەگورەی زانیاریەیل سەرەتایی، دیارە گورزەگە گردەوبوینیگ ناوەین زاهدی و سەرکردەیل بزووتنەوەی جیهاد ئیسلامی لە فەلەستین کردیەسە ئامانج.

راپۆرتەیلیگ لە سوریا خەوەردان لە دەنگ رممەیل لە دەورگرد دیمەشق پایتەخت، وەگەرد خەوەر لە پەلاماردان بینایگ لەشان باڵیۆزخانەی ئیران.