ليژنه‌ى هه‌ڵوژاردنه‌يل توركى هه‌ڵوه‌شانه‌وه‌ى سه‌ركه‌فتن ئه‌ردوغان له ئه‌سته‌مبوڵ ره‌ته‌و ئه‌كا
شه‌فه‌ق نيوز/ ليژنه‌ى باڵاى هه‌ڵوژاردنه‌يل توركيا داواكارى هه‌ردوگ حزب ئۆپۆزسيۆن له‌باره‌ى هه‌ڵوه‌شاننه‌وه‌ى ئه‌نجام گشت هه‌ڵوژاردنه‌يل ئداره‌ى ناوچه‌يى له شاره‌وانى ئه‌سته‌مبوڵ ره‌ته‌و كرد بيجگه ئه‌نجام هه‌ڵوژاردنه‌يل سه‌رۆكايه‌تى و په‌رله‌مانى له‌ورا.
له‌ى باوه‌ته‌و، حزب گه‌لى كۆمارى ك نوێنه‌رايه‌تى حزب ئۆپۆزسيۆن سه‌ره‌كى ئه‌كا له وڵاته‌گه ئاشكراى هووكار پيشكه‌شكردن ئه‌و داواكاريه كرد ئه‌را هه‌ڵوه‌شاننه‌وه‌ى ئه‌نجام هه‌ڵوژاردنه‌يل له ئه‌سته‌مبوڵ وه ته‌واوى و وت: ئه‌گه‌ر هه‌ڵوژاردنه‌يل سه‌رۆك شاره‌وانى هه‌ڵوه‌شيه‌ێده‌و ئه‌وه بايه‌سه گشت هه‌ڵوژاردنه‌يل تر ك ئه‌نجام دريانه له ئه‌سته‌مبوڵ هه‌ڵوه‌شيه‌ێده‌و، له‌ناونيانيش سه‌ركه‌فتن ئه‌ردوغان له هه‌ڵوژاردنه‌يل سه‌رۆكايه‌تى ساڵ گوزه‌يشت، چوينكه هه‌مان سه‌رپيچى روێدا له‌و هه‌ڵوژاردنه‌يله.
يه‌يش له‌وه‌خيگه له‌و هه‌ڵوژاردنه‌يل ساڵ گوزه‌يشته ليژنه‌گه ئه‌نجام هه‌ڵوژاردنه‌يل ئه‌را وه‌ڕيوبه‌ره‌يل و سه‌رۆك شاره‌وانيه‌يل و ئه‌نجومه‌نه‌يل ناوچه‌يى له شاره‌وانى ئه‌سته‌مبوڵ ره‌ته‌و نه‌كرد.
