کەفتن فڕۆکەیگ جەنگی ئەمریکی و کوشیان کاپتنی لە کالیفۆڕنیا
2023-08-26T08:59:30+00:00
شەفەق نیوز/ سوپای ئەمریکا، ئمڕوو شەممە، راگەیان کە فڕۆکەوانیگ سەربازی لە رویداو کەفتن فڕۆکەیگ نزیک سەربازگەیگ ئاسمانی لە کالیفۆڕنیا گیانی لەدەسدا، وتیش؛ لێکۆڵینەوە لە رویداوەگە واز کریا.
چەک پیادەی دەریاوانی لە بەیاننامەیگ وت: کاپتنەگە تەنیا کەسیگ بوی لەناو فڕۆکەی «ئێف ئێه - 19 هۆرنت»، هەناێ ئیوارەی رووژ پەنجشەممەی گوزەشتە کەفت.
بەیانامەگە وتیش: تیمەیل مینەکردن و رزگارکردن تەرم کاپتنەگە لە شوین کەفتن فڕۆکەگە لە نزیک سەربازگەی ئاسمانی «میرامار» لە سان دییگو دراوردن.
وەگورەی بەیانامەگە؛ ئاشکرای ناسنامەی ئەو کاپتنە نیەکریەێد تا خەوردار خانەوادەی نەکریەێد.
هەرلیوا، میدیایل راگەیانن ئەمریکی لە زوان وەرپرسیگ کە ناسنامەی ئاشکرا نەکریا وتن: فڕۆکەگە لە گەردین راهینان بویە.
