سوريا ريگرى له‌ چه‌ن مووشه‌كيگ كرد

سوريا ريگرى له‌ چه‌ن مووشه‌كيگ كرد
2019-12-23T08:11:43+00:00

شه‌فه‌ق نيوز/ ميديايه‌يل فه‌رمى سوورى ئاشكراى ئه‌وه‌ كرد سيستمه‌يل وه‌رگرى ئاسمانى سوريا ريگرى له‌ چه‌ن مووشه‌كيگ كردنه و نه‌يشتنه‌ بڕه‌سنه‌ ئامانج، ك سه‌رچه‌وه‌گه‌ى ئسرائيل بويه‌و باس له‌وه‌يش كرد يه‌كيگ له‌و مووشه‌كه‌يله‌ له‌ ريف ديمه‌شق كه‌فتگه‌.

 

له‌ى باوه‌ته‌و، ئاژانس فه‌رمى"سانا" وت: سيستمه‌يل وه‌رگرى سوورى ريگرى له‌گشت ئه‌و مووشه‌كه‌يله‌ كردكه‌ ك وه‌ره‌و وڵاته‌گه‌ وه‌شرياگه‌، يه‌يش له‌وه‌ختيگه‌ ته‌له‌فزيۆن فه‌رمى باس له‌ كه‌فتن يه‌كيگ له‌و مووشه‌كه‌يله‌ كرد له‌ ناوچه‌ى عه‌قره‌با له‌ ريف ديمه‌شق.

 

له‌لاى خوه‌يانه‌و سه‌رچه‌وه‌يليگ تر ئۆپۆزسيۆن سوورى ئاماژه‌ وه‌ ژنه‌فتن ده‌نگ 3 ته‌قينه‌وه‌ كردن ك ناوچه‌يل ديمه‌شق پايته‌خت و گونده‌واره‌يلى له‌رزانه‌سه‌و.

Shafaq Live
Shafaq Live