داعش ده‌س گرته بان سه‌رچه‌وه‌يگ نه‌فتى له سوريا
2019-12-20T19:10:30+00:00
شه‌فه‌ق نيوز/ چه‌كداره‌يل ريكخرياگ تيرۆريستى داعش ده‌س گرتنه بان سه‌رچه‌وه‌يگ نه‌فتى له پاريزگاى حمس له ناوڕاس سوريا دوياى جه‌نگيگ سه‌خت وه‌ل سوپاى سوورى.
له‌و باوه‌ته‌و، سه‌رچه‌وه‌يگ له ئه‌نجومه‌ن مه‌ده‌نى دێره‌زۆر سه‌ر وه ئۆپۆزسيۆن سوورى وت: چه‌كداره‌يل داعش ده‌س گرتنه‌سه بان سه‌رچه‌وه‌ى نه‌فتى ئاراك له‌بان رێ ته‌دمر له باكوور خوه‌رهه‌ڵات گونده‌وار حمس.
سه‌رچه‌وه‌گه يه‌يش ده‌رخست ك تيرۆريسته‌يل ريكخرياگ داعش له‌و جه‌نگه زياتر له 20 سه‌رباز له سوپاى سوورى كوشتنه، له‌ناونيانيش كه‌سه‌يليگ له ليواى فاتميون سه‌ر وه پاسه‌وان شووڕش ئێرانى.
