تره‌مپ سزاى 3 وه‌زير تورك و 2 وه‌زاره‌ت دا: ئاماده‌م ئه‌را ويرانكردن ئابوورييان
2019-10-15T10:33:30+00:00
شه‌فه‌ق نيوز/ وه‌زاره‌ت گه‌نجينه‌ى ئه‌مريكا، ئاشكراى ئه‌وه كرد دۆناڵد تره‌مپ سه‌رۆك سزا خسته‌سه بان 3 وه‌زير توركى وه ئامانج ناچاركردن ئه‌نقه‌ره ئه‌را ئه‌وه‌گ ده‌سوه‌جى په‌لاماره‌يلێ بووسنێده‌و له باكوور خوه‌رهه‌ڵات سوريا.
وه‌زاره‌ته‌گه له به‌ياننامه‌يگ وت: ئه‌و سزايه‌يله وه‌زيره‌يل وزه‌و وه‌رگرى و ناوخوه‌يى توركه‌يل گرته‌سه‌و بيجگه هه‌ردوگ وه‌زاره‌ت وه‌رگرى و وزه‌ى توركى جوور ئه‌وه‌گ "فرانس پرێس" ئاماژه وه‌پيكرد.
جى باسه، يه‌يش له‌وه‌ختيگه زويتر تره‌مپ وت: وه‌زاره‌ت بازرگانى ئه‌مريكا دانيشتنه‌يل بازرگانيى وه‌ل توركا وسنێد و خه‌ريك چه‌سپانن سزاس له‌بان وه‌رپرسه‌يل فه‌رميى توركيا و هه‌ر كه‌سيگ به‌شداره له پرووسه‌ى سه‌ربازێ توركى ك بارودوخ له باكوور خوه‌رهه‌ڵات سوريا شيوانگه.
