تره‌مپ رێ وشوونه‌يل بنه‌ڕه‌تى تايبه‌ت وه‌ كۆرۆنا ئاشكرا كرد

تره‌مپ رێ وشوونه‌يل بنه‌ڕه‌تى تايبه‌ت وه‌ كۆرۆنا ئاشكرا كرد
2020-03-10T09:08:01+00:00

شه‌فه‌ق نيوز/ دۆناڵد تره‌مپ سه‌رۆك ئه‌مريكا، باس له‌وه‌ كرد له‌ كۆنگره‌ى رووژنامه‌نويسى ئاشكراى رێ وشوونه‌يل بنه‌ڕه‌تى ئه‌كا ك خوازياره‌ له‌وه‌ر بگيريه‌ێد ئه‌را كه‌مه‌وكردن له‌ ده‌رئه‌نجامه‌يل ئابوورى ئه‌را ڤايرۆس كۆرۆناى تازه‌.

 

تره‌مپ وت: سوو دوياى نيمه‌ڕوو ئاگاداردان ئه‌كه‌م له‌بان چه‌ن گامه‌يليگ ئابوورى ك ئه‌گريمنه‌ى وه‌ر و گامه‌يل گه‌ورايگن وه‌شيوه‌ى فراوانيگ.

 

سه‌رۆك ئه‌مريكا له‌ كۆنگره‌يگ رووژنامه‌نويسى ك وه‌ل تيمه‌ راسپاريايه‌گه‌ى ئداره‌ى قه‌يران له‌باره‌ى ڤايرۆس كۆرۆنا ئه‌نجامى دا وت: ئه‌و رێ وشوونه‌يله‌ ك ئاشكرا ئه‌كريه‌ێد دوير نيه‌ بڕياره‌يليگ له‌باره‌ى باج و مووچه‌وه‌ بگرێده‌ خوه‌ى ك يه‌يش مه‌سه‌له‌يگه‌ وه‌ل وه‌رپرسه‌يل كۆنگرس تاوتوێ ئه‌كريه‌ێد.

 

جى باسه‌، تره‌مپ له‌ هه‌مان وه‌خت جه‌خت له‌وه‌يش كرد وڵاته‌يل يه‌كگرتگ ئابوورى گه‌ورايگ ديرێد، وه‌لێ ئى ڤايرۆسه‌ ك دونيا گرته‌سه‌وه‌ بايه‌سه‌ وه‌شيوه‌يگ فريه‌ خاس مامڵه‌ وه‌ليا بكه‌يم.

Shafaq Live
Shafaq Live