ئه‌گه‌ره‌يل نه‌ڕه‌سين پەکین و واشتنۆن وه ريككه‌فتن نرخ نه‌فت داوه‌زان
2019-09-14T10:47:10+00:00
شه‌فه‌ق نيوز/ نرخ نه‌فت خام له بازاڕه‌يل جه‌هان داوه‌زێ، هووكاره‌گه‌يشى ئه‌چێده‌و ئه‌را زيايبوين گومان له‌باره‌ى ئه‌گه‌ره‌يل ئه‌وه‌گ په‌كين و واشنتۆن نه‌ڕه‌سنه ريككه‌فتنيگ گونجياێ ئه‌را چاره‌سه‌ركردن ناكووكيه‌يل بازرگانى ناونيان، ك له‌يوا بڕياره له مانگ ئوكتۆبه‌ر ئمساڵ گفتگوو له‌باره‌يه‌و بكه‌ن.
وه‌گووره‌ى هه‌واڵ ئاژانسه‌يل، ئمڕوو شه‌ممه نرخ نه‌فت خام برێنت 16 سه‌نت داوه‌زيه له دويايين مامڵه‌ى و هه‌ر به‌رميليگى وه 60,22 دۆلار مامڵه وه‌پيه‌و كريا، يه‌يش وه‌و مانا وەڕێژەی %0.27 نزمه‌و بويه.
وه‌ل ئه‌وه‌يشا نرخ نه‌فت خام تكساس ئه‌مريكا 24 سه‌نت داوه‌زيه‌و هه‌ر به‌رميليگى وه 54,85 دۆلار مامڵه وه‌پيه‌و كريا، يه‌يش وه‌و مانا وەڕێژەی 0.44% نزمه‌و بويه.
