چه‌رم نويسريای هه‌ورامان

چه‌رم نويسريای هه‌ورامان
2012-03-04T09:06:08+00:00
سه‌رده‌م مه‌قدۆنی و پارته‌يل. ئه‌ی نويسريايله‌ له‌ ئشكه‌فت ته‌نگی وه‌ر له‌ كويه‌سان كۆساڵان له‌ ناوچه‌ی هه‌ورامان له‌ ساڵ ١٩٠٩ زايينی دوينريانه‌سه‌و.

ئه‌ی ئشكه‌فته‌ ها له‌ نزيكی شار كامياران له‌ پارێزگای كوردستان ئيران. كه‌سێ له‌ ئاوايی نشينه‌يل وه‌ ناو(حوسين)، كويزه‌ی له‌ ناو ئه‌ی ئشكه‌فته‌ دوينێده‌و ك ده‌ره‌گه‌ی موهر وموم كرياويد، وه‌ختێگ ده‌رێ واز كه‌ن، له‌ ناو ئه‌ی كويزه‌ كه‌مێگ گه‌نم پوسيای وه‌ل چه‌ن‌ به‌ڵگه له‌ قاويش دوينن.

دوكتورێگ چه‌و وه‌ ناو ميرزا سه‌عيدخان ئه‌ی به‌ڵگه‌يله‌ ئه‌سێنێدو له‌ ئوكتبر‌ ١٩١٣ زايينی له‌ له‌نده‌ن به‌يدان ئه‌را لای ای.جی. براۆن و فروشيدانه‌ پێ.

دوان له‌ ئه‌ی به‌ڵگه‌يل خه‌تيه‌ هن ساڵه‌يل ٧٧ و ٧٨ وه‌رجله‌ زايين و  ٢١ و٢٢ وه‌رجله‌ زايين بوينه‌ ك وه‌ زووان يونانی نويسريانه‌و سێميش نزيك وه‌ ساڵ ٣٣ وه‌رجله‌ زايين وه‌ زووان پارتی نويسريايه‌‌.

به‌ڵگه‌يل يونانی چوی تاپۆ مامڵه‌ كردن باخ مه‌يۆ ك فروشياس و به‌ڵگه‌ی سێميش ك وه‌ زووان پارتيه‌ ئه‌را مامڵه‌ی زه‌وی كشتوكاڵه‌.

ئه‌ی تاپوه‌يله‌، يه‌ی ئويشنه‌و ك مامڵه‌ی زه‌وی له‌ ئه‌و سه‌ردمه‌ فره‌ گيچه‌ڵ و ده‌ردسه‌ری داشتيه‌. ناو پادشای تێگران(تێگران دويم ٥٥ تا ٩٥ وه‌رجله‌ زايين) وه‌ل هاوسه‌ره‌يل و دويه‌ته‌يلێ هاسه‌ر ئه‌ی ده‌س نويسه‌يل چه‌رمه‌.

زووانناس مێژوويی(ئه‌ليس.اچ. مينس) ئه‌ی سێ نويسريای چه‌رمه‌ هه‌ڵه‌وگه‌ردانيه‌و وه‌ل باسێگ له‌ سه‌ريان، له‌ رووژنامه‌يل يونانی چاپێ كرديه‌.

 

Shafaq Live
Shafaq Live