ماده‌يل چوين ئه‌كباتان سازين؟
ئه‌ى شاره هه‌فت ديوار به‌رز ناو له ناو يه‌ك داشت، هه‌ر ديوارێ له ديوار تر به‌رز تر بوى و باره‌گاى پادشاو خه‌زينه‌ى له ناو ئاخرين جى بويه ك ئه‌ى ديواره‌يله وه ده‌وه‌ريه‌و بوينه. ده‌ور ده‌يشت ئه‌ى ديواره‌يله هه چوى ئاتن بويه. ره‌نگه‌يل ديواره‌يل هه‌فت پشت وه رزاره‌و چه‌رمگ، سيه، قرمز، كه‌و و نارنجى بوى.
له بان دو ديوار ئاخر، يه‌كێ وه نقره و ئه‌وه‌كه‌ى تر وه ئاڵتۆن سازينه‌ى. له يه‌و دويا، ئمجا ديۆكس له رخ يه‌گ گه‌له‌كۆێ له‌لێ نه‌كريه‌يد، ته‌قلا كرد ك كه‌متر خوه‌ى بخه‌يده‌و ده‌يشت و كه‌متر بويننه‌ى.
ديۆكس دوياى ده‌س وه‌پێ كردن ئه‌ى سه‌ره‌تا، هه وه‌و كار وه‌رجله ئيسه‌ى خوه‌يه وه دادپه‌روه‌رى بڵاوتره‌و كرد. شكايه‌ته‌يل نويسرياى مه‌ردم ك ئه‌را پادشا كل كريا، نيشت و وه پيان ره‌سى و بڕياره‌يل خوه‌ى له بانيان دا.
بێجگه له يه، پادشا جاسوسه‌يل و خه‌وه‌ر ره‌سنه‌يلێ له سه‌رتاپاى ناوچه‌ى فه‌رمانڕوايى خوه‌ى نا تا تاوانباره‌يل ئه‌راى ديار بكه‌ن و ئه‌وه‌يش فه‌رمان به‌يد تا بگرنان و سزايان بيه‌ن.
هه وه‌يجووره‌يشه، ديۆكس ماده‌يل كرده نه‌ته‌وه‌ى يه‌كگرتێ دراورد ك ته‌ماميان گووش وه فه‌رمان بوين. دوياى په‌نجاوسێ ساڵ فه‌رمانڕه‌وايى ئه‌ى پادشا(655 وه‌رجله زايين) مرد ك وه پێ ديۆكه يا دياكۆيش وتنه. سه‌ناخريب پادشاى ئاشوور ك وه‌ل ده‌وڵه‌ته‌يل بابل و ئيلام له جه‌نگ بوى، نه‌تويه‌نست له وڵات ماد بوه‌شنێد. ديۆكس ئه‌ى ده‌رفه‌ته وه كار هاوردو ده‌سڵات فه‌رمانڕانين خوه‌ى پيه‌ن تره‌و كرد.
هه له‌ى سه‌رده‌ميش، په‌ڵپێ ئه‌را ده‌س ئه‌و ناو بردن له كاروباره‌يل ماد له لايه‌ن ئاشوور نه‌وى، ئه‌را يه‌گ ئه‌ى وڵاته باج ساڵانه‌ى خوه‌ى سه‌ر وه‌خت ديا وه ده‌وڵه‌ت ئاشوور.
ته‌نيا يه‌ك باوه‌ت بوى ك وه مه‌مه‌ر نافه‌رمانى مه‌ردم(ئليپى = كرماشان Elipi) له باج دان ساڵانه، ئاشوور سوپاى خوه‌ى كل كرد تا ئه‌ى شوڕشكه‌ره‌يله سه‌ركوت بكه‌ن. چىشت تر نه‌ويه تا نوا له ماده‌يل بگرێد نه‌تويه‌نن ده‌سڵات خوه‌يان فره‌تره‌و بكه‌ن./ش
