گوم كردمه‌ وه‌هارم

وه‌ێ مڵک سه‌رد چووڵه ‌ته‌نیام و که‌تێه‌ بارم

ماڵه‌ل کلک وه‌ گووشن تا ناشنه‌ون هه‌وارم

بڕبڕ خوسه‌ و په‌ژاره‌ کوو بینه‌ شه‌و نشینیم

خه‌م سه‌ر نێاسه‌ شانم تا گیان بنه‌ێ شه‌وارم

ده‌س نانه‌جیم کولانه‌ور زه‌خم زوینه‌ سینه‌م

خواێ خوسه‌ کرده ‌ساڕێژ ئه‌ چاره‌ چوی ده‌وارم

پاکوو خه‌مانه‌ جه‌رگم دڵگیره‌ ساڵ و مانگم

تا بیمه‌ هه‌ر یه‌ دیمه‌ زڵماته‌ ڕووژگارم

شه‌و بێ هاساره‌ ڕه‌شمه‌ و خوه‌ر ماسیاێ سه‌ر ئاسووم

ته‌ك به‌ێمه كوو خه‌مانا و ئه ته م دڵا بووارم

چوی جاڕ ئومر ئه‌سه‌ر چی ئاگر چێ ئه‌ر ئۆمێدم

هه‌ر پایزه‌ به‌ختم ئه‌ێ دڵ گوم کردمه‌ وه‌هارم

بابک درویش پور