وه‌‌هار غوربه‌‌ت

له‌‌وره‌‌ سه‌‌راپا وه‌‌هاره‌‌

له‌‌يره‌‌ ته‌‌بيعه‌‌ت هه‌‌ر ناوه‌‌

له‌‌وره‌‌ فه‌‌سڵ به‌‌زم ژيان

شادى قوڵ قوڵه‌‌ى هه‌‌ناوه‌‌

له‌‌وره‌‌ وه‌هار زنه‌‌ييه‌‌

له‌‌يره‌‌ سه‌‌رما و يه‌‌خبه‌‌نانه‌‌

له‌‌يره‌‌ وه‌‌هار بێخه‌‌وه‌‌ر تێ

له‌‌وره‌‌ به‌‌زمه‌‌، چوپى كيشانه‌‌

له‌‌يره‌‌ ياده‌‌ كه‌‌ دڵ خوه‌‌ش كه‌‌ێ

له‌‌وره‌‌ گه‌‌رمى جه‌‌م يارانه‌‌

له‌‌يره‌‌ كوا ده‌‌نگ گورانى!

له‌‌وره‌‌ نه‌‌زم "سه‌‌فيه‌‌ وارانه‌‌"

له‌‌يره‌‌ عشق سارده‌‌ جوور وه‌‌فر

له‌‌وره‌‌ گه‌‌رمى دڵ بێ‌ هه‌‌ساوه‌‌

له‌‌يره‌‌ كه‌‌ساسى سه‌‌رقافڵه‌‌س

له‌‌وره‌‌ دڵ ئه‌‌را دڵ كه‌‌واوه‌‌

له‌‌يره‌‌ وه‌‌هار چوو وه‌‌ بێده‌‌نگ

له‌‌وره‌‌ بێ هه‌‌را گوزه‌‌ر ناكه‌‌ێ

دووسان يادێ كه‌‌ن له‌‌ ئيمه‌‌يش

هه‌‌رچه‌‌ن دويريم، قه‌ى ناكه‌ێ