چوار پارچە شیعر "بانان"

وەڵنگەمارەیل

قەورسانەیل کۊەنەی 

بێ‌نیشانن

پڕن لە هۊر دڵتەنگی،

چۊ شاڕوو بووسان پایز

لە سەردەوا

یا

تماشای خوەر لە زەردە

لە چەم چووڵ خوەرئاوا،

ک لە چەوەیل 

ئاخرین تیەریکی تیەڵ

بوودن ئاوا .

وەڵنگەمارەیل

تماشایان پڕ لە ژارە

وە قەوچی نەرم باڵێیان

جی خڵێفەی موور و مارە…

٢. 

پلامار 

سەیوان کام

سایەی سیس و 

بێمار بوەم

وە لە سای 

پۊترکەی پای

دیوارەیل

کام سەرزەمین

ڕووژەو بکەم ؟!

ت وە من بۊش

هاوڕاز چووڵ

ت وە من بۊش

هاولف دەرد

ت و من بۊش

تا من نەۊشم…

٣.

پەلوەچێ 

لە دارسان

شکیا لە وا ؛

چرچ سەختێ

چێ لە گیان دار بەرزێ

سروە لە بن گووشێ وەت:

شاخە بشکێ

دڵ نەلەرزێ !…

٤.

چەنێ ئاسم

لە بوو عەفند

جەهان تیەڵ

ئەجەو جایگی

ت کەی

ماوای

ژیانیدن،

گەنەڵخەدان

گەورایگی!…

سەعید عبادەتیان "بانان"