هه‌م پرزه پرز واران
2020-01-25T22:21:24+00:00
هه‌م پرزه پرز واران چمان وه‌هاره ئمشه‌و
ميوان به‌زم سويره جفتى گلاره ئمشه‌و
هه‌ور وهه‌ڵا ره‌سيدن نقره‌و ته‌ڵا رشيدن
سويرانه‌ى ئاسمانه واران بوواره ئمشه‌و
يه زوڵف هويل خوه‌ره نه يه خه‌رمان ده‌ژيگه
له‌ى ده‌روه‌چه‌و دياره له‌ى ته‌ك ده‌واره ئمشه‌و
گڕى تاوو سه‌وينه گڕى ناز دجاره
به‌ش خودا له ئشقه ئى نه‌رمه واره ئمشه‌و
هانه وڵات شه‌ونم پڕن له هوير ئه‌وسا
گه‌رمن له ئاگر ئشق ئه‌و دو سوواره ئمشه‌و
سورمه‌و جفى گلاره شه‌واره و يه‌ێ هه‌ساره
يه ره‌سم كورده‌واره ته‌وه‌ق سوواره ئمشه‌و
فروزان حسینی
