هه‌رگز یه‌ زێدم نیه‌

هه‌رگز یه‌ زێدم نیه‌
2009-07-30T09:21:22+00:00


***

هه‌رچی له ‌ئاوئی شاره‌ خوه‌م

تینگیم نیه‌شكنی وئه‌ڕام سازگار نیه‌

نوڕمه‌ داره‌یل ئی شاره‌

ره‌ین نین؛چیون دار به‌ڕیو له‌تی نیه‌

 

***

فه‌ره‌ چه‌وگڕده‌م وه‌ناو زاروه‌یل ئی شاره‌

وه‌لی جورهنه‌یل خوه‌مان خیونیان شرین نیه‌

دیوه‌ته‌یلیشی پیاو ئاسا تیه‌نه‌ وه‌رچه‌وم

نازكی ماینه ؛ وه‌پیانه‌و؛ دیارنیه‌

 

***

ره‌نگ و بووئی شاره‌ بیگانه‌سه‌ له‌وه‌ر دیده‌

‌ وینه‌ی ره‌نگه‌یل كوردسانه‌گه‌م شاد نیه‌

دیمه‌نه‌یلی خه‌ماوی وتراژیدی له‌تی واری

جور وڵاته‌گه‌م سه‌ر سه‌وز ‌و زینگ نیه‌

***

سیمای ئی شاره‌ له‌ شار نیه‌كه‌یگ

ئه‌ی هاوارعشق ئی شاره‌ له‌ دڵ نیه‌

فه‌ره‌ دڵداری خوه‌م ده‌م تا دڵ بخه‌ڵه‌تی

راس وتنه‌ عشق ودڵداری وه ‌زوور نیه‌

***

له‌ی شاره‌ هه‌م كوورم وهه‌م كه‌ڕولاڵ

چه‌بكه‌م نیشانه‌یگ له‌ هاوزوان نیه‌

سه‌رگه‌ردان و ویڵ وگومڕام له‌یره‌

نيگاگانم غه‌ریبانه‌س ؛ نیشانه‌یگ له‌یار نیه‌ ‌

***

له‌ی كه‌لاوه‌ شاره‌ نه ‌بووگۆڵ ونه ‌میخه‌ك تیه‌ی

ته‌نیا بوو باروده‌ و ؛ گژه‌ی هه‌وایگ نیه

دڵم ته‌نگه‌ وه‌ی نیمه‌ شه‌وه‌ دامه‌سه‌ ده‌یشت

شه‌واره‌ كردمه‌ له خوه‌شی دڵم نیه‌

***

ئه‌گه‌رچه‌وه‌یلم به‌سیان وگوڕغه‌ریب بیوم له‌ی شاره‌

وئاره‌زوو دڵخواز خوه‌م نیه‌

هه‌ركوو بووگه‌ قسمه‌تم و خاكم بكه‌ن

بیجگه‌ ئیمام عه‌باس خاكیگ وه‌دڵ نیه‌

 

باوگ ئاراس

به‌غدا ٣٠ ته‌موز ٢٠٠٩

 

Shafaq Live
Shafaq Live