غەزەل
2024-02-05T13:44:57+00:00
یه کامین سحره سه‌وزه ها ده‌م تو
کە ئوومه‌ت دل به‌سینه‌س وه چه‌م تو
شه‌وارێ قۊله ، چۊ چا، قۊتِمه‌و دا
نه پامان و نه په‌ێ دێرێ خه‌م تو
وه رۊما چه‌م ئلالی زینگه‌و دووم
خودا زانێ چه‌نێ فریه‌س که‌م تو
تو هه‌رکس دیتە ها ده عاله‌م خوه‌ێ
م لێوه‌م ، لێوه ها ده عاله‌م تو
ئه‌گه‌ر بوومه جه‌م و له‌شکه‌ر بێارم
سپاێ زولفت وه فرمان چه‌م تو
قه‌لارێ خه‌ێ ده ئێ دیشته وه بێ ده‌نگ
کیه گیان وه‌ێ ده گورز ِ رووسه‌م ِ تو
م ِ که‌ێ دومه حه‌ریف خنج و خالت
م قه‌ورم ها دل ِ خاتر جه‌م تو
سپاێ دوسه‌ێل گیانه‌ێ گیانِیت هات
م وه‌م ک واوه‌شان که‌ێ په‌رچه‌م تو
نورمراد رضایی
