شاعر کوردی فەیلی، وە خەڵاتێک ئورووپایی

دە ئی فستیواڵە ک ئمساڵیش دە چوار بەش شێعر فارسی، کوردی، تورکی ، لوری، نریا سێیان لە کورتەشێعرەێلەی رودپس فەیلی شاعر ئیلامی ک دە بارەی ژینووساید کوردەێل فەیلی ئەڵوەسریانە، شییەوە کریان و وە بوونەی ئی ئەڵوژارتنە لەێ شاعرەیش رێزداری کریا.

رودوس فەیلی دە ساڵ 1972 زایەنی ، دە ئاوایی کوردزەڕووش دە پەڕ سنوور شار مێهران سەر وە ئوستان ئیلام هاتە دی و یە بان (30) سی ساڵە ک وە رووژنامەوانی، شاعری، نویسکاری، کووەو کردن، چالاکی فەرهەنگی، مەدەنی و سیاسی وە وڵات و خەڵکەگەێ خوەێ و فەرهەنگ کوردیاتی و رێگای کوردایەتی، دوفێشتر دە هنازەێ کوردی فەیلی خزمەتکاری دکەێ.

رودوس فەیلی، هەمیش ئەڕا قەێرێ‌جار یەکێ لە دەس‌دەناپەێل بنگەی روشنبیری شەفەق و لە وه‌ریوه‌رەیل مانگنامەی گوڵ‌سوو  بییە ک دە عراق بڵاوەو دبێ.

رودوس فەیلی، یەکێگ لە ئەندامەێل دەستەێ ناوەندی جامێعەی کوردەێل تێهران.

رودپس فەیلی، وە ئی شێعرەێلەو ک دە خوارترێگەو دخوەننەیان، دە ئی فستیڤاڵە بەشداری کرد.

-۱-

نە قەسیدە

نە غەزەڵ

نە دوبەیتی

نەیش شێعر نەو

چوارپارەیێگە

نێشتمانەگەم

-۲-

نە ئەوین هات

و

نە ئەوینداری 

فاڵم کە گرت

ئەنفاڵ هات

-۳-

م خوەم کوردم

تو خوەت کوردیت

ئەو خوەێ کوردە

ئیمە خوەمان کوردیمن

ئیوە  خوەتان کوردن

ئەوان خوەیان کوردن

چ بخوازن

چ نەخوازن.