زوانێ داڵگــی

چـۊنـە شـیـریـنـە قـەنـە مـزنـەم زوان داڵـگـــی

گــز خــەیــە دڵ، ئــاو زایــە دەم زوان داڵــگــی

لـێـڵـگـاو لـێـخـنــێـگە ئــاو هــەر کـانـــی لـەلای

ترنگەی ئاوێ تەک خەیە زەمـزەم زوان داڵگـــی

تاو ئاگر چەس کورە؟ تێنێ لە شەمشەو گرتێیە

بـەوجـێ ئـێ تـێـنـوگـوڕە هـا دەم زوان داڵـگـی

لاوەن ئـێ هـێـمـای ڕووناکـیـی چاو قـرژنـگـــە

هـەر مـنێـدە جـامـەک بن چـەم زوان داڵــگـــی

سەد ڕەنگ و واتا و هێما و ڕەهەنـد و چـۊزمان

ها لە ناخ هەر وشەی چۊ ڕەم زوان داڵگــــــــی

دەنکەمرواریی سیفا شووڕە لە هەر پەلوەچــێ

ڕیـشـیـیـێ هـا بـن مزووپـووتـەم زوان داڵـگـی

دان هەر پەیڤێ ک لە بـەون خـێـیـاڵـێ پـرژنـی

مـاسـیـەی تـیـەرێـدنـە بـەرهـەم زوان داڵــگـی

ڕافەی مهر و ڤیـان و ئـاشـتـی هـا پـێ ک بــای

هەر دۊەت پـاچـگـزەڕیـن لـەم زوان داڵـــگــــی

سـام ئنکـی هـا پـێ و وەشـێوە ئـیـنـانـایـە، یـا

میترا خوەی کردیـەسـە تـەوتـەم زوان داڵـگـی

مـەردم ئـۊشـن واز بـارە دی لـە ئـێ پاچینگەدە 

ئـەر هـەڵەوبارێ ئـەوەیشەم خوەم زوان داڵگی

 موسلێــم زارعی