راز

م له ناو تمام خه‌وه‌یلم چرچگیامه‌سه‌و

هایده جییێ له‌ێ تیه‌ریكییه

م  زانم له پشت ئێ ده‌روه‌چه‌ و

پسا گووش ده‌یده نه‌خه‌فتنم

گووش ده‌یده باوشم ک پسا ته‌نیایی خوه‌م جه‌ڕەو ده‌ێگ

هه‌ر شه‌و ئێ ده‌روه‌چه واز كه‌م‌ و كه‌سێ نییه

هناسد ناسم

شوون ده‌سه‌یلد ک ئێ تیه‌ریكییه رووشنه‌و كه‌ن!

خوه‌د مه‌شاره‌و

ماسی له ده‌‌ریا گوم نیه‌ود

وه‌ ت چۊ تۊیەنید له منەو دیار نه‌ۊد؟

م ک له مناڵیا وه‌‌ل هه‌ركه‌سا هشارهشاره‌‌كی كردم ت دیمەو!

ت گوم نه‌ۊده‌

راز منی

وه‌ راز هه‌‌ر كه‌سێ تا هه‌میشه ها له سینگێ

ئایه‌ت نامداری