دونیا تەمە دونیا توزە
دنيا ته مه و دنيا تووز، دنيا گه رته چۊچانه
كه سێ كه سێ نيه ناسێ ،گيشتێ ده م ئه ڵپێچانه
نه بوو هه ناس عشقه ، نه رووژنای راسی
دنيا خراو ، دنيا گه ن ، دنيا دروو ده سانه
زه مين زه رد و زه مان زه رد ، ئاساره و ئاسمان زه رد
كوتێ داخيم كوتێ ده رد ، دە ئێ زه رده لۊلانه
ته و ئه ڵكزان سقانم ، له رز ئه ڵچه قان دنانم
گيانم بۊه په ته سوو ، ده ێ ئاگر گڕانه
شڵهی شه ڕه و و گڕه ێ نار، گرمه ێ گورگه و هافەی مار
يه كه ێ به خته ؟ بێداده ، يه كه ێ تاڵه س؟ تاڵانه
هه م زه رده واێ په ژاره س ، هه م سه رده واێ په شێوی
روو ده ێ زه رده زه مانه، وه ێ ده ێ سه رده ساڵانه
ئاگر ها ده ده رۊنم ، زه هراو ها نام خۊنم
ئووخه يم پڕ ده ئاخه ، ژيانم پڕ ده ژانه
زه مين زه خم و زه مين زار ، زه مين ژه هر و زه مين ژار
زه مين په لامێ بڕیا ، زه مين بێ ئاسمانه
باڵ فرێشته رزيا ، باخ بەهه شت ئه ڵكزيا
دووزەخ هفاو دا دنيا ، ئێ ئژدهاێ خوڕانه
ئێ بار پڕ ئه نيشه ، ئاخر ئه ڕا چه كيشيم
ئێ هه مگه عه زاوه، ئاخر ئه ڕا چه مانه ؟
وڵ كه خياڵ هاتگ ، بڕواكن ئێ هه ناسه
وڵ كه په ژاره ێ ناتگ ، مه س بوو ده ئێ ئه لانه
تووز تيه ڵه و ته م ره ش ، كول كه فتنه كه ش ئه ڵ كه ش
كه س ده ر نيه چوو وه بێ به ش ، مه ردم ! ده ئێ قڕانه
داره ێل ئه ڕاچه هشكن ،گوڵه ێل ئه ڕا نيه وشكن
قه ناريه ێل ِ دڵ ته ڕ ، بێ ده نگ ئه ڕا وسانه
ئه وره ێلمان مه زووكن ، تافه ێلمان مه رێژن
نه تافه تاف ِ رێژاو ، نه نم نم ِ وارانه
نه رووسه مێ دياره نه يشه ئسفه ندِيارێ
نه شوون قاره مانه ، نه نوون پاڵه وانه
نه دين ماگه نه ئێمان، ساهڵ ره م كه ێ ده سا مان
هووش و گووش و پووسمان ، پڕ ده شه ڕ و شه ێتانه
زه مانه پاوه مانگه ، ئه وجار ئه ڵامه ت ئاورد
ئێجار بزانيم چه زاێ ، ئێ ژن زاوه رانه
شكيا دڵ و پێشتمان ، كردنه ئاڵێشتمان
گم بۊمنه گێشتمان ، ده ئێ چوارده رێانه
نه چةفتيمن نه راسيم ، نة گه نيمن نه خاسيم
بڕێ خوه مان مه ناسيم ، مايمه ده ێ نام مه رزانه
زوانمان شێويا ، بۊه وه فر و تێويا
تێوێگوه جوور وه فر ، هه ر كه س ك بێ زوانه
په لام ئه و كي بوةيمن ، ده ێ زه رد ِ بێ زه واڵه
هاوار ئه و كوو بكيشيم ، ده ێ هۊچ بێ هچانه
بڕێ گورگن - دنان هار- ، ده ێ جه نگه ڵ جنوونه
بڕێ وه ركن- وه ره لا -، ده ێ ده ێشت ِ بێ شوانه
بارێ ها بان ِ كووڵم ، چنه كۊه ێ بانكووڵه
قيڕه ێ ها قوڕن دڵم ، چنه قڵاقيڕانه
خوزه و رها بۊاتايم ، رووژێ وه كام و حه زره ت
ده ئێ زرپ و زوورانه، ده ئێ گورز و گووچانه
خوه زه و واران بوارێ ، ده ێ هه ڵه ت هه ڵاكه
خوەزەو شەفەق بوشكێ ، ده ێ شه و بێ به یانه
قسيه م راسه شه كه ته ، خوه زه و نامه ێ ئمێده
شێعرم راسه له ت له ته ، به زه ی نامه ێ ژيانه
کازم سارایی
