ده‌سم وه‌داواند مه‌چوو

ده‌سم وه‌داواند مه‌چوو
2013-09-24T15:01:21+00:00

 

ئه‌ى په‌ڕ قوو ئه‌ى باڵ به‌ت

كه‌وك نسار، ئاهوو هه‌ڵه‌ت

قاروون هۆسن و خاڵ و خه‌ت

ده‌سم وه‌ داواند مه‌چوو

ئه‌ێ ئاوه‌نگ قه‌ێ وه‌ڵنگه‌ وه‌ن

سه‌ر سه‌ونز ناز ناو چه‌مه‌ن

له‌ دویریێد تاقه‌ت نه‌مه‌ن

ده‌سم وه‌داواند مه‌چوو

چویزه‌ێ چه‌وێڕ بوو خوه‌شم

پرچ به‌ڕه‌زاێ سه‌ركه‌شم

ئه‌ێ نه‌ونه‌مام مه‌هوه‌شم

ده‌سم وه‌داواند مه‌چوو

ئه‌ێ شووخ شێوه‌ نازه‌نین

لیكه‌ جوان، قامه‌ت ڕه‌نگین

سه‌خته‌ له‌ باڵاد دڵكه‌نین

ده‌سم وه‌داواند مه‌چوو

ئه‌ێ دڵخوه‌شى ڕووژ و شه‌وم

ئارامكه‌ر له‌رز و ته‌وم

كه‌ێ نازده‌نگێ لید ئه‌ژنه‌وم

ده‌سم وه‌داواند مه‌چوو

ئه‌ێ ناز و توور له‌ قاێه‌ى ڕه‌ێ

خاوه‌ن خه‌زانه‌ێ زه‌رده‌ به‌ێ

وریاوه‌ پاییز ها له‌ په‌ێ

ده‌سم وه‌داواند مه‌چوو

هام له‌ په‌ژاره‌ ڕووژ و شه‌و

ناڵم له‌ وه‌یشت له‌رز و ته‌و

ئه‌ر گیان تواى نه‌م له‌ گره‌و

ده‌سم وه‌داواند مه‌چوو

ئه‌ێ باخه‌وان باخ به‌ێ

شیرین تره‌ك له‌ شه‌هد نه‌ێ

لیموو له‌ مل مێخه‌ك له‌ قه‌ێ

ده‌سم وه‌داواند مه‌چوو

به‌س كه‌ شه‌مامه‌ێ خوه‌ش بووم

كووره‌و مه‌كه‌ هام شووم

مه‌ر نیه‌ژنه‌وى هه‌ێمه‌ڕووم

ده‌سم وه‌داواند مه‌چوو

چه‌وكاڵ و هویل ئه‌بروو كه‌وان

گوونا گوڵى چوى ئه‌رقه‌وان

مه‌ێ خوه‌ش ئه‌نار شاره‌وان

ده‌سم وه‌داواند مه‌چوو

نووڕد نیه‌كه‌م دۆنیا و دین

پام ها ڕكاو ئه‌سپ و زین

هه‌رجاێ بچى هام له‌ كه‌مین

ده‌سم وه‌داواند مه‌چوو

دانیش له‌لام هه‌ یه‌ێ گڕێ

یه‌ سابره‌ ئه‌و ت چڕێ

واكه‌ چه‌ود بووم وه‌ خڕێ

ده‌سم وه‌داواند مه‌چوو

مه‌یله‌م وه‌جى سه‌رسان ئێڵ

ئه‌ر به‌یده‌مه‌ تاوان ئێڵ

ئاهم گرێ داوان ئێڵ

ده‌سم وه‌داواند مه‌چوو

Shafaq Live
Shafaq Live