بچه‌کن گریه ده گیست...
بچه‌کن گریه ده گیست ک رۊ شه‌و سیه بوو
ده ژه‌نوو گریه بیه گیست ک بووشکێ گول سوو
م نه دی ئال مناسم ، نه خه‌ت که‌س بخوه‌نم
برشن ده‌وو تیه‌له ساقی ، ده ژه‌نوو هه‌م ده ژه‌نوو
من و تو رووژ و شه‌ویمن ، هه دو نامیم ده لاێ یه‌ک
نه تو زانی ، نه م زانم ، م وه کوو چم ، تو وه کوو
یه م تامازروو باخ و به‌ر قامه‌ت تو
به‌ر باخت ره‌سیه هێشتیه‌سه‌ێ دی وه چه بوو
نه‌ره‌سیم و ره‌سنِ ئابروو دانام ده په‌ێت
بره‌سن وه‌م ، کیه ئه‌لگه‌ردن ئی ئاوه وه جوو
م ده هه‌رچگ ده تو رۊ خه‌م تو هه " نه" ها ده ده‌مت
تو هه یه‌ێ جا دلمان خوه‌ش بکه بۊش " ئا" کوره دوو
تو نه قه‌ولت ، نه قه‌رارت ، به‌سه کافر به‌سه دی
وه ده پاروو وه ده پێرار ، یه ئمروژ و یه سوو
یه‌سه ساقی خوم ته‌کیا ، یه‌سه خوه‌ر سا خسه ده‌یشت
یه‌سه خه‌م هه‌م دیه‌مه‌و ، سال ده‌نوو ، مال ده‌نوو
نه وه هاته ، نه نه‌هاته ، تو نه هاتۊت و نه چۊت
یه شه‌وارو خسه‌مه‌و شوون خێالت وه مه‌چوو ... مه‌چوو ... مه‌چوو
نورمراد رضایی
