ئاخيزەێ واران'
هەناێ ئەورەیل کــــــــــــــــەن ئاخیزەێ واران
وا بوود وە خاڵـــــــــــــــــق سەمفوونی داران
هەناێ واو واران ســــــــــــــــــەمفوونی ژەنن
جمـــــــــــــــاتەیل سروود سەد مڵەت خوەنن
فیسقـــــــــــــــــــەو سەموورەک وە دڵگیرەوە
چن وە کــــــــــــــــــولووری دار پیـــــــــرەوە
بایەقوش وشک بــــــــــــــــۊ وە قەی دارەوە
چــــــــــــــــــــەو چقان وە ناو وەڵنگەمارەوە
تا پا خسەو ژێر تـــــــــــــــــەرم وەڵنگ شەو
لە پا تا وە ســــــــــــــــەر بۊ وە نەتڵ چــەو
قاژ سیـــــــــــــــــەڵەگەێ ئاشـــــــــاز لێ بڕیا
لــــــــــەی دەروەن هەڵات لەو دەروەن سڕیا
هەناێ دەنگ لـــــــــــــــە دڵ ئەور کەو کیشا
چمان کــــــــــــڕ لە پووس وشک شەو کیشا
منیش هــــــــــــــــــــە گەردەم وە دەوارەوە
مــــــــــــــــــــــەی هسارە کەم وە شەوارەوە
کۊیــــــــــــــــــەسان یەێهەو پووس تر کەنی
کەوڕ تر داوە ســـــــــــــــاز تـــــــــــــــر ژەنی
یەێ مــــــــــــەلێ ناڵان وە دەم خـــــــــەوەو
تۊیـــــــــــەم دڵتەنگی وەشان وە شــــــەوەو
کۊیە لەی دەنگە چــــــــــرچ چـــێ لە گیانێ
ئابای بێ کــــــــــــــــــــەسی کـــوتا لە شانێ
تاگەر گــــووش کار کرد هووش وا مــــردەو
واهێڵان قـــــــــــــــووشەن وێرانی بــــردەو
کۊیە ســـــــــــڕ و کـــوڕ لاڵ و بێ گیان بۊ
ئەوسا زانســـــــــــــــــم لە جـــنس سان بۊ
تـــــــــــــەم و تەمەلـــــــۊل وڵات داپـــووشا
ژار پایێـــــــــــــــزی دڕگــــــــــــەیل گـــووشا
تەم دەس کیشا لە چــــــــــــــــــــــەوەگانـــم
تا لاوە کـــــــــــــــــــــردم لەپ نا ئەو بانــــم
دی نە تـــــــەم دیم و نە کۊیەو نە خــــوەم
چمـــــــــــــان دەێدامێ دەم وا کرد بــــردەم
چۊ کــــوور دەس کوتام وە چـــــوار دورەوە
ســـــــــــــەرم دا لە قـــەێ تاش کــــــەورەوە
سەر کــــــــــوتام سان بۊ پا کوتام لێــــــژ بۊ
لێژێ کـــــــــــــەور چۊ لێژ زنگانی تێــــــژ بۊ
وەرەو هەرجاێ چێم لە هـــــەرجاێ وســـام
دەس کوتام دیم تاش سەختێگ هـــــا نوام
کۊیەگان کوو خەم ســــــــوومــــــارەێ منن
دەیشتەیل پەشێـــــــــــوی پــــــەژارەێ منن
سەعید بانان
