2015-06-08 07:14:19

عراق

- ده‌وڵه‌ت كوردستان

ئى ده‌وڵه‌ته‌ ئه‌كه‌فێده‌ باكوور عراق و شاره‌يل هه‌ولێر، كه‌ركووك، سلێمانى، دهۆك ئه‌گريده‌ خوه‌ى، به‌شيگ له‌ چه‌وديره‌يليش باوه‌ڕيان ئه‌وه‌سه‌ له‌ ئه‌گه‌ر سه‌روه‌خوه‌يبوين باشوور كوردستان، خوه‌رئاواى كوردستانيش ئه‌ياده‌ بان ئى ده‌وڵه‌ته‌.

- ده‌وڵه‌تيگ ئه‌را سونى

ئى ده‌وڵه‌ته‌ ئه‌كه‌فێده‌ ناوڕاس و خوه‌رئاواى عراق، ئمجا وه‌ بوونه‌ى پڕچه‌ك نه‌كردن هووزه‌يل سونى و ره‌تكردنه‌وه‌ى ده‌سوه‌رداين چه‌كداره‌يل شيعه‌ له‌و ناوچه‌يله‌، ريكخرياگ داعش ئه‌دێده‌ باڵاده‌س ئى ده‌وڵه‌ته‌، ئى ده‌وڵه‌تيشه‌ له‌ شار به‌غداوه‌ تا دويا خاڵ باشوور عراق دامه‌زريه‌يد.

سوريا

ئيسه‌ له‌ سوريا 4 پيكهاته‌ باڵاده‌سن و چه‌وديره‌يليش باوه‌ڕيان ئه‌وه‌سه‌ ئاينده‌ى سوريايش هه‌ر وه‌ى شيوه‌سه‌.

- كورد

كورده‌يل كه‌فتنه‌سه‌ باكوور سوريا له‌بان مه‌رز عراق(باشوور كوردستان)و به‌شيگيش له‌ليان ئه‌كه‌فنه‌ بان مه‌رز توركيا(باكوور كوردستان). شاره‌يل گه‌وراى پيكهاتنه‌ له‌ قاميشلۆ، عه‌فرين، كۆبانى و چه‌ن شاريگ تر.

- ريكخرياگ داعش

داعش كۆنترۆڵ نزيكه‌ى نيمه‌ى خاك سوريا ئه‌كا، ديارترين ئه‌و شاره‌يله‌ ك داعش ده‌سڵات گرته‌سه‌ بانيان پيكهاتنه‌ له‌: ڕه‌قه‌، دێره‌زوور، ئه‌لبوكه‌مال، ته‌دمر.

له‌وه‌ر ئه‌وه‌گ داعش ده‌س گرته‌سه‌ بان ناوچه‌يل مه‌رزى وه‌ليد و ئه‌لبوكه‌مال له‌بان مه‌رز عراق – سوريا، هه‌ر وه‌و خاتريشه‌ دروسكردن ده‌وڵه‌ته‌گه‌ى له‌ هه‌ردوگ ديم عراق و سوريا ئاسانتر بويه‌.

- ئۆپۆزسيۆن سوورى

ديارترين هيزه‌يلى پيكهاتنه‌ له‌ به‌ره‌ى نوسره‌، ك له‌لايگ جه‌نگ داعش ئه‌كاو له‌لايگ تره‌و جه‌نگ رژيم سوريا ئه‌كا.

ئۆپۆزسيۆن سوورى ده‌سگرته‌سه‌ بان شاره‌يل حه‌له‌ب، سه‌راقب، جسر شغور و ئيدليب و ناوچه‌يگ فراوان ده‌رعا.

- رژيم به‌شار ئه‌سه‌د

ناوچه‌يل ژير ده‌سڵات رژيم سوريا پيكهاتنه‌ له‌: ديمه‌شق، ناوچه‌يل مه‌رزى خوه‌رئاوا له‌بان ده‌رياى ناوين و لوبنان، يه‌يش بيجگه‌ شاره‌يل حمس، لازقيه‌، ته‌ڕتوس و قه‌سير.

وه‌ل ئه‌وه‌يشا رژيم به‌شار ئه‌سه‌د گه‌وراترين زه‌ره‌دمه‌ن جه‌نگه‌يل سورياس.

ج . أ

}